نێرین

ئاداڕ مەها گورینا کەش و هەوایە. خودان دیروکەکا سەرکەش و ناڤدارا وەکی نەڤروزێ یە

ئادار وەکی هوین دزانن کو مەها ئادارێ مەهەکا تەژی رویدان و خوشی و نەخوشیە

ئاداڕ مەها گورینا کەش و هەوایە. خودان دیروکەکا سەرکەش و ناڤدارا وەکی نەڤروزێ یە. لێ هەر ل ئێکی ئادارێ و تا دگەهیتە داویا روژا مەها ئادارێ کێم روژ ل سەر ئاستێ جیهانێ و کوردستانی یا تێر بویەرە. لێ گرنگیەکا زیندی د هوش و هەستێ مروڤێ کورد دا یا هەی.

ئادار ب بویەرێن خو یێن دلتەزین ڤە ب رویدانێن خو یێن دیروکی ڤە مەهەکا جولێنەرە هەم ل سەر ئاستێ مروڤی و هەم ل سەر ئاستێ سروشتی ژی. بارزانی وەک سەرکردەیەکێ ئەفسانەیی یێ کورد کو ل ۱ی ئادارێ کیانێ سپاردی و بەرەڤ خلودەکا ئەبەدی . هەر روژ و بویەرەك دیروکی روی دایە لێ ژ رویدانێن راستە و خو پەیوەندی ب هەنوکەیا کوردا و دیروکا کوردا و گەلێن دەڤەرێ ڤە هەیە.

ل ۲ یێ ئادارێ زەردەشت پێغەمبەر گاتا خو یا پێنجی و چارێ یا بداوی ئینای. ل ۳ی ئادارێ بابکێ خورەمی یێ چویە سەر دلوڤانیا خو. ل ٤ ی ئادارێ موهتابا کچا وی یا بویە جێنشینا وی ٥ ی ئادارێ راپەرینا پیروز ل دەروازێ راپەرینێ ل رانیا کێوەرەش پەقی. ل ٦ ئاداری رێکەتنا شوم یا جەزائیرا بێ وژدان د ناڤبەرا دو گۆر بە گۆراندا ل سەر کوردا هاتە مور کرن. د هەمان ٦ ی ئادارێ دا سلێمانیا پایتەختێ رەوشنەبیری و هەردەم یاخی ب دژی رژێما فاشی یا سەدامێ گوربەگۆر راپەری.د ۷ ئادارێ دا سەر پەشکێن راپەرینێ گەهشتە کویا مەلبەندێ سیاسەتێ و هەولێرا هولاکو بەزێن.

٨ ئادارێ ڕوژا بیرئانینا ژنێیە روژا سوتنا ۱۲۷ ژنایە ل نیویورکێ و بالەفرێت هێزێن هەڤگرتی بەغدا و جهێ نیشتەجێیا دکتاتور سەدامێ گوربەگۆر بومبە باران کر. ۹ ی ئادارێ لێسەرێن سەرهەلدانێ گەهشنە رەواندز و ئاکرا بیکا جیهانێ. ۱۰ ی ئادارێ توفانا سەرهەلدانێ کەرکوکا دایکا کوردا گرتە باوەش. ۱۱ی ئادارێ یەکەم رێکەتنا فەرمی و دان پێ دانا فەرمی بو د ناڤبەرا شورەشا باشورێ کوردستانێ رژێما عیراقێ روی دا. ب فەرمێ هندەک مافێن کوردا هاتنە دەستەبەر کرن. ۱۲

ی ئادارێ ئەو رێکەتنا شوم یا جەزائیرێ کەتە وارێ جێبەجێ رنێ و کوردا بریارا ئاش بەتالێ هەلدێرا. د هەمان دەم دا سوتنا سینەما عامودێ ب دەستێ جەورکێن ئەسەد بو . ۱۳ ی ئادارێ باشورێ عیراقێ ب تەواوی کەتە ژێر کونتڕولا خەلکێ شیعی مەزهەب یێ عیراقێ هێزێن سەدامێ درندە خو ڤەکێشا. ۱٤ی ئادارێ روژا ل دایک بونا سمبولا نەتەوەیی سەرکێشێ بزاڤا کوردی بو زیەتر ل پێنجی سالا یا بەرزانیێ نەمر مصطفی بارزانیە د هەمان دەم دا سەرهەلدانا خەلکێ ب رومەت یێ دهوکێ یە. ۱٥ ی ئادارێ زاخو سێمێلێ و شێخان راپەرین. ۱٦ ی ئادارێ روژەکا رەش و روژەکا شومە د دیروکا مروڤایەتیێ دا روژا کیمیا زارانا هەلەچا شەهیدە کو ئەو روژ بو سەدەمێ ناساندنا کوردا ل سەر ئاستێ تەڤایا مڕوڤایەتیێ و جیهانێ، بو خالا وەرچەرخانێ د دیروکا گەلێ کورد دا. ۱۷ ی ئادارێ روژا دیارا سەرکەتنا ئەهورا مەزدایە ل سەر ئەهریمەنی د ئەفسانەیا ئولێن ئیرانی دا. ۱٨ ی ئادارێ کورد دبێژن مەلکەزان واتە بریمیسیوس ل عەسمانی هاتە خارێ د هەمان دەم دا روژا ل دایك بونا کورێ من پەسارە و روژا مال ئاڤایێ سمبولا فامیلیێ من شێخ عبدالسلام ێ بابێ منە.د ۱۹ و ۲۰ ێ ئادارێ دا روژا بریاردانا هەلگرتنا ل داخمەدانێ یە شەڤا پیروزکرنا ئاگرێ پیروزێ نەڤروزا ئەسانەیی یە. ل سەر ئاستێ ئولا زەردەشتی ل وەلاتێ زاگوروسی. ۲۱ ێ ئادارێ روژا هەرە دیروکی جەژنا نەتەوەیی یا گەلێن ئاری و گەلێ کوردستانێ یە. روژا هێوربون ئەسیرکرنا فولکانا ب ناڤ و دەنگ یا شیزگان و دەماوەندە واتە روژا سەڕکەتنا مروڤێ کوردە ل سەر سروشتی. ۲۲ و ۲۳ و ۲٤ ی ئادارێ جەژن و ئاهەنگ و سەیرانن د ناڤا گەلێن ئیرانی ، ئاری ، زاگروسی و کورد دا. ۲٥ی ئادارێ روژا هاتنا سەر کار یا ئیمبراتورێ روژێ ئیمبراتور ئەستیاکویە.۲٦ ی ئادارێ روژا چاندنا کول و کولستانایە ل ناڤ گەلێن ئاری. ۲۷

ی ئادارێ روژا شانویا جیهانێ یە د هەمان دەم دا روژا دامەزراندنا پارتە کومونیستا عیراقێ یە. ۲٨ و ۲۹ی ئادارێ روژا گەهشتنا هێزێن هەڤپەیمانە بو دەوروبەرێن بەغدا خو حەشاردانا دکتاتورێ گور بە گورێ عیراقێ یە. ۳۰ ی ئادارێ ب تەواوی بەغدا و گەلەك پارێزگەهێت دی یێت عیراقێ ل دەست کونترولا رژێمێ دەرکەت کەتنە دەستێ خەلکی و هەرفینا لەشکەرێ عیراقا ئیعلان کر. ۳۱ ی ئادارێ روژا شوم و رەش و تاری د دیروکا هەڤچەرخا گەلێ کورد دا ئەو ژی ب دار ڤەکرنا قازی محمد و چەندیی سەرانێن کومارا کوردسانێنە.

ب ڤی رەنگی مە مەها ئادارێ حەیا داویێ شوپاند . دگەل رویدانێن وێ یێن خوش و نەخوش. بویە ئەز پێشنیار

دکەم کو مەها ئادارێ ببیتە مەها کوردا

كرمانج هاریكی

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close