نێرین

کورۆنا یان داکەتنا ئابۆری

عەلی ئۆرەماری

دڤان دەماندا فۆکسا هەر کەسی لسەر بەلاڤبوونا ڤایروسا کورۆنایە و وەک ئافاتەک هەمی جیهان ڤەگرتیە و هەمی وەلاتان ژی تەدارکێن ساخلەمیێ ئێخستینە بەر ژبۆ بەرسنگ گرتنا ڤێ ئافاتێ و حەتا دشیاندا بیت وەلات و وەلاتیێن خۆ ژڤی دەردێ بێ دەرمان ب پارێزن، هەرێما کوردستانێ ژی ل گۆرەی شیانێن خۆ تەدارەکێن خۆپاڕاستنێ ئێخستینە گەر و مرۆڤ ژبۆ دادپەروەربە

هەرێم دڤی بیاڤی دا وئەوا پەیوەندی ب تەدارەکێن خۆپاراستنێ و رێگریکرن ل دەرکەفتنا وەلاتیان و خڕڤەبوونێن وانا لپێشی یا گەلەک دەوڵەتان دایە و ئەڤە ژ روویێ پسکلوچی ڤە کارەکێ بالکێشە و هندەک ورەیا مرۆڤی ژی بڵند دکەت و شانێن بەرگریێ بهێز تێخیت

لێ ئەرێ ل ڤێرە کۆرونا بداوی تێت و چەند رۆژ و مەهەکن و دێ ژێ دەربازبین وجارەکا دن هەر کەس دچیتە سەرکارێ خۆ و دێ خاترێ ژ وێ پەتایێ خازین،

بدیتنا من ل سوبەهیا بهێت بابەت وێ گەلەک ژ کۆرونا مەزنتر بیت و مە هزر دوێ چەندێ دا کریە کا چ جۆداهی دناڤبەرا تەدارەکێن مە وەک هەرێم و دەوڵەتێن جیهانێ و ب تایبەت ئەورووپا و ئەمریکا ،کۆ وەک نهۆ تێتە دیتن ناڤەندا بەربلاڤبوونا کۆرونایێ ئەمریکا و کیشوەرێ ئەورووپا دایە، لێ وانا شیانێن تەکنولوجی و ئابۆریێن مەزن لبەر دەست هەنە وئەو ژمارەیێن تێنە ڕاگەهاندن کۆ هەر ئێک ژوانا بدەهان و بەلکۆ بسەدان ملیار دولار تەرخانکرینە ژبۆ تەدارەکێن ڕێگریکرنێ و دیتنا فاکسینەکێ و دیسان بسەدان دولار ژبۆ ئابۆریێن وان دەوڵەتان دانەکەڤیت و رکود دروست نەبیت ،

کۆ وەک دەرهاڤێژێن ترس ژ بەلاڤبوونا کورونایێ ، هەم کۆمپانیایێن بەرهێنەر ژبەرکۆ خاست ل بازارێ کێم بوویە ، رێژا بەرهەم ئینانێ کێم کرینە و بەلکی بسەدان کۆمپانیایێن دیار ژکار کەتینە و بکێمکرنا بەرهەم ئینانێ ژی هەم کرێین دەستێ کاری ژی کێم دبن وهەم ژی ب هزاران کەس ژ هێزا کاری دێ بێ کاردمینن و کۆمپانیێن بەرهەم ئینانێ دێ دوماهیکێ ب خزمەتێن وانا ئینن وبڤی ڕەنگی بازنەیا ئابۆری توشی ڤەقەتاندنێ دبیت وئابۆریناس ڤێ بابەتی باش دزانن کا مەترسیێن ڤێ ئالوزی چەند مەترسیدارە،

ئەڤە درۆژەڤا دەوڵەتێن خۆدان ئابۆریەکا جهگیر وبهێزدا ، ئەی مە وەک هەرێما کوردستانێ هزر کریە دوەلاتەکێ وەک عیراق بگشتی و هەرێما کوردستانێ بتایبەتی خۆ ژبلی هندێ هەر مە کۆمپانیێن بەرهەم ئینانێ نینن و بخۆ رێژەیا بێکاریێ نهۆ ژ ۲۰٪زێدەترە و پشت بەستنا هەرێمێ یا بدەستڤەئینانا داهاتی وەک وەلاتەکێ رەیعی تنێ لسەر وێ پشکا پەترولێ یە یا کەس نزانیت چەندە و چەوا تێتە هنارتن و چەوا وبچەندێ تێتە فروتن و ئەوژی ڤایروسێ کۆرونا گەهشتیێ و بهایێ وێ ژ حەفتێ دولار نێزیکی بیست دولارانبوویە و ژبلی ڤی داهاتی وداهاتیێ هەفشێوێ ژ بەغدا تێت و ژبلی وانا مەچ جۆرێن دنێن داهاتی دهەرێمێ دانینن،

وئەڤەو زێدەباری ڤێ چەندێ ژی وەک وەزیرێ نافخۆیێ هەرێمێ دبێژیت ، کەئەڤە بخۆژی ئەوا ڕاستی بیت پسیارە ، بۆچ وەزیرێ نافخۆ شیانێت ئابۆری بزانیت و لێدوانا بدەت وبۆچ وەزیرێ ئابۆری و پلان دانانێ دبێ ئاگەهن و دبێ لێدوانن ،بهەر حال دبێژیت

داهاتێ نافخۆ گەهشتە خاڵا چنە و داهات نەما و داهاتێ دەرگەهێن هەرێمێ ژی لگەل تورکیا وئیرانێ ژی ب رێژەیا ۸۰٪بۆ۹۰٪دابەزی یە ئەوژی گەهشتە هێلا چۆنەئانکۆ ئەڤە بخۆ لێدانا زەنگا مەترسیێ یە، ئەگەر داهات گەهشتە هێلا سور ، ئەی تەدارەکێن دەردێ هەرێ گران کۆ ئەوژی داکەتن و چۆنەبوونا شیانێن دارایێن هەرێمێ یە دێ چ بن و وەچ تەدارەک هەنە، شانا قەیرانا یان وەکی پارێزگارێ هەولێرێ دبێژیت شانا ئۆپراسیوونا قەیرانان هەروەکی هۆنەرە و جۆانیا بکارئینانا پەیڤێن بالکێش دێ شیانێن تەدارەکان دیار کەت، شانا قەیرانان تنێ دەرێخستنا رێنمایێن تەندروستی و رێکارێن ئەولەهی کو کەس دەرنەکەڤیت .کە هەردوو تەدارەک ژی جهێ دەست خۆشیێ نە،لێ کارێ ڤێ شانا قەیرانان گرنگە بەری رێگریێ ل بەلاڤبوونا ڤایروسا کورونا بکەت، هزرێ ل تەدارەکێن ئابۆری و ژیانا رۆژانەیا خەلکی دا بکەت

ل رۆژانێن کێمێن بهێن ئەف خەلکە بتنێ دمالڤە رازی نابن ،وانا ڤەژاندنا ژیانا رۆژانەژی دڤێتن و ڤێ ژۆرێ تشتەک ڤێ هەیە دێ چەوا دڤان داکەتنێن ئابۆری دا دێ چەوا درێژیێ بدانا مەهانەیێن وەلاتیان دەتن و دێ چەوا وەلاتی برێڤەبەتن،لەوان ژی کاچەند ژ کۆرونایێ دترسن ،نیف هند ژی ژ داکەتنا ئابۆریا هەرێمێ بترسن و شانەیەکا مەزنتر وعاقلانەتر بو تەدارەکێن ئابۆری دروست بکەن

پتر به‌رچاڤ بكه‌
زر الذهاب إلى الأعلى
إغلاق

TEST

TEST2