رۆژا نه‌وروزێ وه‌كى مه‌زنترين شوره‌ش دبينن واته‌يا ژيانه‌كا نۆى وڤه‌بره دناڤبه‌را تارياتى وسه‌رده‌مه‌كێ ده‌م سه‌رداچۆيى كو پكێرى ژيانكرنێ نه‌هێت، وروناهی ونۆيبوونا ژيانه‌كا تازه، نه‌وروزێ سه‌رسالا خو دبينن وته‌ڤ شه‌ر وسه‌رهه‌لدانێن وان ژبۆ گهوراندنان دبهارێ دا بوون وه‌كى گۆنجاندنه‌ك دگه‌ل سرۆشت وخوه‌زايێ ده‌ما كو چه‌رخ وڤه‌گه‌راندنا ده‌سپێكه‌ك نۆى دده‌ته دروستكرن
كوردان ژى زانێ كو دڤێت وپێدڤيه مرۆڤ ژى گهورين و نۆيبوونێ هه‌ر جار وبێ ناڤبه‌ر دژيانا خوه دا دروست بكه‌ن وهه‌ر جار دڤێت هه‌بيت كو دناڤ باوه‌رى و ئولێن وان خوه دده‌ن پێش، وه‌كى ئێزداهى ئولێ گۆنجايى دگه‌ل هزروبيرێن زكماكيا خوه‌زايا مرۆڤان و زه‌رده‌شتيه‌ت كو باوه‌ريێ ب ياسا ديالكتيك و په‌ڤچوونا هه‌ڤدژان هه‌يه وه‌كى رێبازا ئه‌نجامدنا پێشڤه‌چوون وسه‌ركه‌فتنان ژبۆ مرۆڤاهيێ، مانياتى ژى باوه‌ريه‌كا بهێز ب هه‌ست وسوزداريێ وبهه‌ڤرا ژيانكرن وئاشتيێ هه‌بوو
يارسان و مه‌زده‌كى وبابه‌كى ژى ل هه‌مبه‌رى زورداريێ رابووينه وباوه‌رى بهه‌ڤسه‌نگاندنا دگه‌ل خوه‌زايێ و وه‌كهه‌ڤيا دناڤبه‌را هه‌ردوو ره‌گه‌زان وناڤبه‌را گه‌ل وملله‌ت وجڤاكان هه‌بوو ژبۆ به‌رژه‌وه‌ندى وچاكى وقه‌نجيا ژيان مرۆڤان.. ئه‌ڤ سالا ژى رۆژا نه‌وروزێ نۆيبوووڤه دده‌مه‌كى دا كو گه‌لێ كورد پێدڤى دووباره‌كرن و داهوراندنا واته‌يێن نه‌وروزێ هه‌يه، ژبۆ بدوماهى ئانينا سته‌م وزورداريێ
وه‌كى هه‌ر جار كو كوردان ئه‌ڤ رۆل وبه‌رپرسيارى هه‌لگرتيه بدرێژياهيا ديروكى، ئه‌ڤ چه‌نده بئاوايه‌كێ به‌رچاڤ وپراكتيكێ هاته ده‌سته‌به‌ركرن ب شكاندن ونه‌هێلانا ده‌وله‌تا خيلافه‌تا ئيسلامه‌تيا داعش ل كوردستانێ، ودرێژى هه‌يه ژبۆ خه‌بات وتێكوشينه‌كا بێ هه‌متا ل هه‌مبه‌رى مه‌زنترين زوردارێن ڤى سه‌رده‌مى كو هزرێن تيروزمێ وشوڤينه‌يه‌تێ پياده دكه‌ن ل هه‌مبه‌رى گه‌لێ كورد و ته‌ڤ گه‌لێن رۆژهه‌لاتا ناڤين،
لێ به‌لێ نه‌ڤيێن كاوه وه‌كى هه‌ر جار رۆلێ پێشه‌نكى دبينن ژبۆ ده‌ستبه‌ركرنا ئازاديى وداپه‌روه‌رى وئاشتى و وه‌كهه‌ڤيێ ل كوردستان وته‌ڤاهى رۆژهه‌لاتا ناڤين پيروزه جه‌ژنا نه‌وروزێ ژبۆ گه‌لێ كورد وته‌ڤ گه‌ل وملله‌تێن ئازايخواز وهه‌مى مرۆڤاهيێ
سەگڤان بارەمین، دهوك
