نێرین

ئەگەر ئەز تووشی نەخۆشیا ڤایروسێ کۆڤد19 بوم

دێ ب وێرەکی و بێ شەرم بێ دوو دلی راگەهینم وەکی هەڤکارێت مە د.ئەحمەد ئیسماعیل تایبەتمەندێ نەخۆشیێت چاڤا ل هەولێرێ دەمێ خوە ئاشکەرا کری

دیسان هەروەکی شێرە ژنا گەنج د.لەرین ساڵح دەمێ راگەهاندی و گوتی ئەز یا توش بویم لێ ب هشاری دێ تەڤا کەسێن نێزی خوە ل سلێمانیێ هایدارکەم داکو کەس توش نە بیت، ئەژی دەمێ توش د بم، دێ هەمی وان کەسا ئاگەهدار کەم یێن د ١٤ رۆژێن بووریدا دگەل من ژیاین دا پشکنینا بکەن و مالێت خوە ب پارێزن، خوە نا ڤەشێرم د کونجێن تاریدا و نابمە سەدەمێ توژبونا زورێن دی، ب هەمی رێیەکێ دێ ئالیکاریا تیمێن نوژداری و ئەمنیبم داکو گینێ من و خوشتڤیێن من یێ پاراستی بیت، ئەگەر ئەز توژبوم یێ لاواز و ترسنوک نابم

ئەز نوکە گەلەک خوە دپارێزم و خەلکێ دیتر ژی دپارێزم و تێکهەلا وان ناکەم بێ کار، پابەندم ب رێنمایێن ساخلەمیێ،ئەز ب خوە هند ژ نەخۆشیا ناترسم کو بێ هیڤی ببم ژ ژیانێ ، لێ پا ترس و نەئارامیا من پتر ژ هندێ یە ، بێخەمیا هندەک خەلکی، ئەز ببمە ئەگەرەکێ بەلاڤبوونا ڤێ نەخۆشیێ و هەر نەخۆشیەکا دی، چونکە هەتا نها هندەك حەنەکا ب ڤێ نەخوشیێ دکەن و پابەندی رێنمایا نینن، ب چاڤێ مەدحە و زرتەکی تەماشە دکەن، د ڤێ ژیانێدا نەخۆشی دێ هەر هەبن و دێ هەر ب ئەگەرەکی ژ ڤێ جیهانێ بارکەین

بەس ئەڤە نابیتە ئەگەر خەلکێ دی بێ هیڤی بکەم ، تنێ ئەز دلگرانێ وێ یەکێ مە، کو هند ژ خەلکێ مە د هەمی لایەکی، ژ مرۆڤ و خزم و ماڵ و نزیک و دوست و هەڤال

ڤێ نەخۆشیێ قەت ب مەترسی نا وەرگرن. ژ دویری هەوە ئەگەر ئێک ژ مالا هەوە تووشبو ژیێ وی ژ ٦٥ێ پتر بیت ل دویف ناڤەندا ئەمریکی یا کۆنترولکرن و خۆپاراستنا نەخۆشیا، CDC مەترسیا مرنا وی گەلەکا مەزنە ، وەکی نۆکە ئەم ل #ئیتاڵیا دبینین ، کۆ ٢٣% خەلکێ وێ ژیێ وان ژ ٦٥ێ پترە، وی دەمی رۆندک و خەم و هۆزان و هەلبەست، قەت مفای ناگەهینن ئەگەر تو ژ وان کەسا بی یێ تە پێگری ب رێنماییا نەکربیت ، تو دێ بیە ئەگەرێ کوشتن و نەئارامکرنا دەروونێ خوە و دەوروبەر و خوشتڤیا

ما ئەو رۆندکێت ژ سەدەما، نەخۆشێت کۆڤد١٩ ژ چاڤێن وان نوژدار و پەرستارا دبارن ل چینێ و ئیران و ئیتاڵیا و ئسپانیا ، تێرا هندێ ناکەن پیچەک هشێت هەوە راکەتەڤە و ل مال ب مینن خوە پارێزن ؟! دێ وەرن دا خوەشیێ ژ ژیانێ ببەین و دگەل خێزانێت خوە د مالدا بژین و نوژدار و پەرستار و زانا و بسپورێت ڤێ جیهانێ و کوردستانێ بێ هیڤی نەکەین و دلێ وان نەشکێنین

چونکی ئەو گەلەک زەحمەتێ دبەن و ب شەڤ و رۆژ یێ کار دکەن دا گیانێ مە و خۆشتڤیێت مە ب پارێزن،

ئەگەر ئەز توژ بوم دێ ب وێرەکی و بێ شەرم و بێ دوو دلی راگەهینم وەکی خوشتڤیێن مە

حامد عەبدلغەفور، شێلادزێ

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close