نێرین

کرونا هات کرونا چوو

پشتی بداوی هاتنا ئافاتا کرونا کو هەمی جیهان سەرەبن وتەڤلیهەڤ کری دهێتە پێشبینیکرن کو گەلەك رویدان وکریس وگرفتارێن گران وکویر دەرکەڤن پێش، بگرە ژ تێکجونا بارێ ئابۆری وبلندبوونا رێژەیا بێکاری وبەربەلاڤبۆنا برچیبۆن وهەژاریێ ودەربدەریێ ل سەرانسەری جیهانێ،
بتایبەتی ل وەلاتێن کو دبنگەه دا خودی کریس وقەیرانن دهەمی ئاستان دا ل وەلاتێن پێگەهشتی و کێم وەرار دبیاڤێ ئابوری و پیشەسازی ئانکو ياهەرێ دروست ئەوە بێژینێ وەلاتێن نڤستی، کو لژێر دەستەلاتا حکومەتێن گەندەل ودزیکەر دا دنالینن کو هیچ هەست وباوەری و رەوشتەك مرۆڤاهی نینە،
بتنێ دزانن دەستەلاتا خو بکابینن ژبو پتر دزیکرن و ژناڤبرنا سامانێ گەل ومللەتێن خو، وکوشتن ودویرخستنا هەر دەنگەکێ راستگۆ و ئازادیخواز،
درەوش وکاودانێن ئاساهی دا درێژیێ ددەن بەلاڤکرنا هەژاری وئێش وژان ونەزانینێ ژبۆ پاراستنا کورسیا دەستهەلاتێ. هەر وەکوو دیارە درەوشێن ئاوارتە دا ژێ ئەڤ حکومەت و رژێم دئامادە وبەرهەڤ نینن و لبەر نینە گهورینێ بێخنە رەوشت ورەفتارێن خو چەندی کو بار گرانی و رویدانێن نەچاڤەرێکری بهێنە رویدان. ژبۆ ڤێ هیچ رێیەک دیتر نامینە ژبۆ گەل ومللەتان ژبلی ئەنجامدانا پێلەکا دیترا نەرازیبۆن و سەرهەلدانان ژبو داخوازکرنا ئاسایترین مافێن خوەیێن رەوا
ودیسان ژی ئەو رژێم هیچ مافێن وان دەستەبەر ناکەن بەلکی پتر دێ بێدادی و زورداری و تیرورا دەولەتێ ل هەمبەر بکارئینن، دیسان مللەت ژئ ژنەچاری دێ پەنایێ بەن ژبو توند وتویژیێ وەك مافێ پاراستنا رەوا، هەر وەسا گروپێن توندرەوێن ئایینی ڤی رەوشا هەنێ
ژبو خوە دەفەت بینن داکو پتڕ رەوشی تێکبدەن و ئازرینن، ئێدی هەر تشتەك دێ ژێر کونترولێ دەرکەڤە ودەڤەر بگشتی دێ کەفتە دناڤ ئالوزی وتەڤلیهەڤیەك بێ سەروبن دا ، کو ئێدی ناهێتە چاڤێرەکرن وکەس نکارە پێشبینی بکەت تا کەنگی ئەڤ رەوش دێ دۆمینە،
کو جار دن ئاشتی وئارامی جهگیر ببە، بتایبەت ژی کو هیچ هیڤی و ئومێدەك خوەیا ناکەت کو گهورینەك بهێتە ئەنجامدان سەر بنگەهێ شوررشەك هزری
و روناسانسەك هەبیت داکو جاردن رومەت وئازادیێ ژبو تاك و جڤاکان سەر بنگەهێ مرۆڤاهیێ بهێتە ئەنجامدان و دەستەبەرکرن

سەگڤان بارەمون

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close