نێرین

ئول نکارن ڤێ برینێ بکەوینن

کورد دبێژن ئەگەر گورگی د خەما بارانێ با دا بخو کەپەنەکێ چێکەت
واتە ئەکەر بانگخازا شەرم ژ درەوێن خو کربان دا دەڤ ژ دەرەوان بەردەن .ئێدی درەو ب ناڤێ خودێ نەدکرن. وەکی د بەرچاڤە ئەڤە جارا ئێکێ نینە کو ئەڤ کاریسێن سروشتی دور ژ بریارێن ئاسمانی د سەر ڤی عەردی دەمێ دین د ئەوپەری گەشەکرن و باندورا خو دا ل دەمێ خودا پەرستیێ د مەراسیمێن ئولێ دا ڕوی د دەن. لێ مروڤ هێشت بونەوەرەکێ لاوازە . نەکاریە دەرک ب گەلەک تێگەهێن ل سەر هاتیە سەپاندن بکەت. خو ل دەست بازرگانێن درەو فروش دا رزگار بکەت
هێشت د پێکهاتا مێشکێ خودا یێ هەژاڕە ، حەزێ بالا خو یا ب سەردا کێشای. و حەز د کەسایەتیا رێژەیا پرانیێ دا ب تایبەت دناڤ جڤاکێن کونزەرڤاتیڤ و کولەوار و دواکەفتی یێن رۆژهەلاتا ناڤین یا بالا دەستە. لەورا هێشت نەشێن عەقلێ خو بکار بینن.
واتە عەقل د ڤێ دەڤەرێ دا هێشت یێ هەژارە و حەرامکری و تابویە. هێشت باوەری یا ب ڵاڤان و خوزێ پارانەوەیەکا بێ بنگەهـ هەی. هزر بکە هشێن خو بسنە سەرێ خو تێبگەهن کو ئەڤ کەسێن خو ب پێغەمبەر خوداوند و خوشتڤیێن خودێ نوێنەر و هەڤپارێن خودێ ل عەردی ل قەلەم دای هەمی هەلبەستن و فێربازی و فریودان و درەون. واتە چێکرنا فەزایەکێ میتافیکیە ل دور هێلا خو د ئافرینن. جیهانا هزرا خەلکی یا ب درەوان داپوشی.مروڤ ب میتودێ ترسێ یێ چەماندیە د بن رکێفێ هزرێن بوگەنێن ئاشوپی یێن خودا. حەز یا د مێشکێ مروڤێ سادەدا بالا دەست کری.خەلك و،جڤاك یێن فێری قەبول کرنا دەرون نزمیێ کری. ب کار ئینانا میتودێ عەقل یێ مەترسیدار کری. ئەڤ کەسێن خودێ ب بەلاڤکرنا پەتاو ب رویدانا تسونومی و عەردهەژ و هەژاریا خەلکی تاوانبار دکەن. ئەڤە وێ واتایێ دگەهینیت کو ئەو مروڤ گەلەک دورن ل خوناسیێ و ئەو مروڤ هێشت یێ ل خو وندا و دورە بەیاڤێ عەقلی دژین. د کەسایەتیا خودا خودان دەسهەلات و بریار نینە. یێن بویە ئامیرێن دەستێ خەیالێ. نکارن ل کەسایەتی و چارەنڤیسێ خو ببنە خودان. بویە هەردەم ل کەسەکێ دگەرن دا تاوان بێدەسهەلاتیا خو قەلدەنە سەر ملێن وی . بارێ بەرپرسیاریێ ل سەر ملێن خو سڤک بکەن. بو ڤێ مەرەما خو ژی کەسەکێ ل وی خودێ یێ دورەدەست و دەست کرد و ئاشوپی بێ دەسهەلات تر نابینن. کو هەمی بێتوانایی و نەفامیا خو د هندرویێ وی تێگتهێ لاهوتی دا ڤەشێرن.
ئەڤەژی وێ راستی و بەرئەنجامان دەنە دەست کو خودێ نەناسیە، ڤان هشێن خودێ بەرپرسیار دزانن کو وانا خودێ ناس نەکریە. بەلکی وانا خودێیەك ل گور حەز و ئارەزویا مێشکەکێ گەنی میتافیزیکی واتە ئەفسانەیی یێ ئافراندی. یێ د کەسایەتیا خودا نامو و غەریبن خو یێ ڕادەستی قەدەرەکا نەدیار کری. بێگومان بازرگانێن کو ب درێژایا مێژویێ ژی یاری ب مێشکێ مروڤێ بێ مێشك کری بو خوش گوزەرانی و دەسکەتێن خو چینا خو یا فریودەر فێرباز دمشەنە ، ناهێلن مروڤ ل ڤێ خەوا نەفامیێ دەرباز هشیار ببیت . دا هەردەم بکارن بازرگانیێ ب هش و مێشک و کەسایەتیا ڤی خەلکێ سادە یا مروڤاتیێ بکەت. بێگومون ئەڤ قەومان و پێشهاتێت گشتگیر دێ چەندین پرسیارا داکەڤینیتە ئورتێ . دێ کارتێکرنەکا ئەرێنی یا رێژەیی د گورەپانا ژیانا هزری دا پەیداکەت. دێ وەرارەکێ د ناڤا مێشکێ کومەکا گەنجا دا ئێنیتە مەیدانێ.
د هەمی تەوەرێن پێشکەتن و پاشکەتنێ دا دێ پرسیان وروژینیت. دێ تاک جەمسەری و وەرارا زاوزێ (زێدەبونا مروڤان) و سیستەمێن سیاسی ئێخیتە ژێر میکرسکوپا پرسان. لێ نابیتە سەدەمێ بنبرکرنا کێشێن ئیرو ل ئورتێ هەنە. درەوێن خودێ نەناسێن بازرگانێن ئولان و زمان درێژێن سەلەفیست د مێشکێ مروڤاندا رێشە گێش ناکەن ، ئولێن جیاواز و دەسهەلاتێن کاپیتالیست و بناڤ دیموکراتی نکارن خو ل هەژمونا کەڤنە شوپیێ رزگار بکەن. نابیتە ئەگەرێ خەساندنا مزگەفت و فیکرا توندرەوا ئیسلاما سیاسی و بازرگانێن ئول فروش. لێ دێ وەرارێ د ئورتا مروفاندا چالاک تر لێ کەت. دا مروڤ هەبون و راستیا خو پتر بگەرین. ل جەم مروڤێ سەردەم پێشەروژی دێ بیتە سەدەمێ هشیاربونەکا نوی د هەموو بەیاڤێن هزریدا

کرمانج ھارێکی

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close