د ڤان دەمان دا کو ڤایرۆسێ کۆرۆنایێ بەلاڤبوویە، وەلاتان چەندین ڕێکارێن جۆدا بۆ خۆپاراستن ژ ڤایرۆسێ گرتینەبەر، د تۆڕێن جڤاکی دا ژی وێنەیێن چەند شێران هاتنە بەلاڤکرن، کو دگوتن ڤلادیمێر پوتین شێر د ولاتی دا بەلاڤکرنە هەیا کو وەلاتی د مالێن خۆ دا بمینن، لێ ئەڤ بابەتە دوورە ژ ڕاستیێ.
بکارئینەرێن تۆڕێن جڤاکی دگوتن، پوتینێ سەرۆکێ ڕوسیا ب مەرەما ڕێگریکرن ژ هاتنە دەرڤەیا خەلکی بۆ سەر جادەیان ٨٠٠ شێر د ولاتی دا بەلاڤکرینە.
دگەل بەلاڤکرنان دا وێنەیێ شێرەکێ هەبوو، لێ وێنە بۆ مەها نیسانا سالا ٢٠١٤ێ ڤەدگەڕیت کو ل باژاڕێن جۆهانسبێرگا باشورێ ئەفریقا هاتیە گرتن، چ پەیوەندی ب ڤێ ڤایرۆسی و ڕوسیا ڤە نینە..
