ژێدەرەکێ باوەرکری بێی کو بخازیت ناڤێ وی بهێت ئاشکەرا کرن ،دهەمان دەمێ دا یەک ژوان کەسێن کەرەنتینەکریە، تایبەت بو مالپەرێ مالامە باسێ رەوشا خوە و هەڤالێن دگەل خوە دا دکەت،و د بێژیت ئەز و ۱۰ کەسێن دی ژ وانین یێن ب رێیا توژبویێ ئێکەم حالەتێ کورونایێ .
ل دهوکێ کەتینە بن کەرەنتینە کرنێ، و ئەم د ناڤا ئوتێلا سولاڤ داینە ل سەنتەرێ باژێرێ دهوکێ و د ناڤا ڤێ ئوتێلێ دا زێدەی ٥۰ کەسێن دن ژی هەنە، لێ د ناڤا ئێك ژور دا ب کێمی ئەم دوو کەسین و ل هند ژوران ژی چار کەسین ، ب هەڤرا د خوین و ڤەد خوین و د رازێین، هەروەها خویا دکەت کو د نها دا رێژەکا مەزنا کەرەنتەنەکریا ژ وەلاتێ ترکیا، ئیناینە جهێ ئەم لێ بێی کو بشکنین بو هادبنە کرن تنێ یێن راگرتین
دیسان خویا دکەت کو هیچ چاڤدێریەكا نوژداری ل ڤی جهی نینە، جارنا ژی ب کوم ئەم تێکەلی ئێك د بین، و دیتن و سەرەدان کرنا هند کەسان ژی زور ب ئەسانە
هەروەها ئەڤ ژێدەرە وێ یەکێ ژی پشتراست دکەت کو ژبلی هێزێن ئەولەهیێ تو کەسەکێ دی نینە چاڤدێریا وان بکەت مەبەستا وی تیمێن پزیشکی نە، ئەڤە ژی د دەمەکی دایە ل دیڤ رێنمایێن نوژداری نابیت ب تو ئاوایەکی گومان لێکریێن ڤایروسا کورونا تێکەلی ئێك بن، لێ ل ڤی جهی رەوشا کەرنتینە کریێن ڤایروسێ کورونایێ ب ڤی رەنگێ مەترسی دەرباز دبیت
