میدیایێن بەریتانیایێ بەلاڤکریە، شازادە چارڵس د تەمەنێ ٧١ سالیێ دا توشی کۆرۆنایێ بوویە.
پەیڤدارەک ب ناڤێ شازادە چارلسێ بۆ مالپەرێ بی بی سی یێ بەریتانی راگەهاند، “شازادە چارلس د رەوشەکا ساخلەم دایە”.
راگەهاند ژى، “د نها دا شازادە چارلس د مالا خۆ دایە و ل ئیسکوتلەندا هاتیە کەرەنتین کرن و دبن چاڤدێریا نوژداران دایە”.
گوت ژى،” شازادە چارلس د چەند حەفتیێن دەربازبووى دا هەڤدیتنێن زێدە هەبوون دگەل خەلکێن جوودا جوودا و نکارین پشتراست ببین کو ژ چ کەسەکێ توشی ڤایرۆسێ بوویە”.
ئەڤە ژى د دەمەکێ دایە، شازادە چارلس ل سالا ١٩٤٨ێ ژ دایکبوویە و کورێ مەزنێ ئیلیزابێسە و و جێگرێ تاجا پاشاتیا بەریتانیایە.
