نێرین

ئێكگرتنا كوردان

ئه‌و په‌یڤا هێدى هێدى دبیته‌ په‌یڤه‌كا قرێژگرتى د مێشكێ تاكێ كورد دا، هنده‌ك هه‌نه‌ دگه‌ل ڤێ گوتنێ نه‌ و هنده‌ك ژى به‌روڤاژى، هه‌نه‌ دبێژن ده‌لیڤه‌یه‌ و هه‌نه‌ ژى دبێژن خه‌یاله‌، پارتێن كوردى ئه‌ڤرۆ ل سه‌ر هه‌ر دوو ته‌وه‌رێن باوه‌ریێ و نه‌باوه‌ریا خه‌لكى دابه‌ش بونه‌، هه‌ر دوو جه‌مسه‌ر ژى خۆ ب نوینه‌رێن كوردان دده‌ن دیاركرن، چ جاران پارته‌كا كوردى نه‌هاتیه‌ دیتن كو خۆ ب خوساره‌ت ل قه‌له‌م دابیت د هه‌ر ده‌لیڤه‌كا خوساره‌تیێ دا هه‌تا د ده‌ما هه‌لبژارتنان دا ژى، ئه‌و وه‌سا هزر دكه‌ن كو خه‌لك كوله‌ و به‌نده‌یێ ده‌ستێن وانه‌ لێ نزانن كانێ كینه‌ نوینه‌رێن راست یێن خه‌لكى.
دخازم به‌رى كو مه‌رما خۆ زه‌لال كه‌م به‌حس ل سه‌ر شوره‌شا قوچگێرى بكه‌م، قوچگێرى شوره‌شه‌كا ده‌ڤه‌ركى بوو لێ د هزرا وان دا ئاڤاكرنا كوردستانه‌كا خۆسه‌ر هه‌بوو كو ئالایێ وێ ل سه‌ر بانێت بلند بهه‌ژیت و نمونێت وه‌فاداریێ ژى د ناڤ وان دا پر زیده‌ هه‌بوون كو دكتور نورى بلندترین نمونه‌یه‌ بۆ وێ شوره‌شێ، لێ دوورییاتیا موراد پاشا سه‌روكێ هوزا گنیان ژى رویه‌كێ دیترێ پیسێ ڤێ شوره‌شێ بوو، كو ئه‌ڤ كوردێ دیڤه‌لانك هه‌م دگه‌ل شوره‌شێ و هه‌م ژى ل جهێت ڤه‌په‌نى دگه‌ل ئه‌تاتورك دا بوو و ئه‌ڤ شوره‌ش كو دناڤا سالێت (1919-1921)هاتبوو ده‌ست پێكرن توشى شكه‌ستنێ دبیت، لێ كوردێت جامێر ڤێ خیانه‌تا موراد پاشاى ل بیر ناكه‌ن و ب ڤه‌په‌نى و ژ به‌ر كو دیڤه‌لانكێ دژمنان بوو دكوژن و دگه‌هینه‌ سزایێ وى یێ حه‌ق چونكى ببوو ئێك ژ ئه‌گه‌رێت هه‌لوه‌شیانا شوره‌شێ.
ده‌ما شوره‌ش شكه‌ستى گشت گه‌لێ كورد ل وێ ده‌ڤه‌رێ شكه‌ست، ئه‌ڤرۆ ژى هه‌رده‌ما ئه‌ڤا هه‌ى بكه‌ڤیت دێ گشت گه‌لێ كورد كه‌ڤیت، له‌ورا بلا بۆ گشت پارتان سندوقێن ده‌نگدانێ ببنه‌ پیڤه‌ر ژ بۆ سه‌نگ و به‌هایێ وان و ئه‌و چاڤه‌رێ هه‌لبژارتنێن بهێن یێن كوردستانێ و عیراقێ بن و ده‌ستان ژ موزایدا و ئێكگرتنا بێ بنه‌ما به‌رده‌ن و بلا قه‌ده‌ر د ده‌ستێ گه‌لێ كوردستانێ دا بیت

سه‌ردار هێتوتى، شێلادزێ

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close