نێرین

هشیار بن ب سەرکەفتنا کوڤید ١٩ حکومەت هەمی نەهامەتیێن دەسهەلاتێ ب درێژاهیا ٢٩ سالا ژ بیرا وە نەبەت

ل داویا سالا ٢٠١٩ ڤایروسێ کوڤید ١٩ ، کەتە دناڤ روژەڤا مەدا ، د دەمەک نێزیک جیهان هەمی ئێخستە د مەترسییەکا مەزندا ، تا وی رادەی کو ئەڤ جیهانا هندە یا ب قەرەبالغ ژ مروڤ و ئالاڤێن دی یێن ژیانێ ب راوەستن و بکەڤن د رەوشا ئامادە باشیێدا ، د ڤێرێدا هەر دەسهەلاتەک ل دویف چەند رێنمایەکا خەلکێ خوە هشیارکر کو ب خوە پاراستن و شوشتنێ دێ شێن بەرهنگاریا ڤی ڤایروسی بین ، لەوانەیە د دەمەک کێمدا بشێین سەرکەتنەکا ئێکجار یا جیهانی بهێت دەست ڤەئینان.
لێ کورانا باشور ٢٩ ، هەر ژ دەست پێکا سەرهلدانا وێ هەر تشتێ ب وەلات پارێزی و پیروزیا وەلاتی ڤە ، بەرەف شەرێ براکوژی و دوو رێڤەبەرتیێ هات برن ، ئەڤێ مال وێرانیێ ڤەکێشا تا کەتنا رژێما گور بە گور ، پاشی بەرەف پەغدا ڤەچوون ، ل وێرێ پارە و پوستێن هەرە مەزن کەتن دەسهەلاتا باشور ، ژ دەرئەنجامێن وان پارا و پوستا هەر تشت بەروڤاژی تر بی ، پارەکێ زور کەت دەستێ وان ، ل جهێ وان پارا بێخن د خزمەتگوزاریا ژێرخانا ئابوریا وەلاتی ، هەمی ل هێڤە و وێڤە و بندیورا و پروژێن وەهمی هاتن مەزاختن ، پاشی بەرەف پروژێ ئابورێ سەربخوە ، ئەو ئابورێ بویە ئەگەرێ تێک شێلاندنا سەروبنێن وەلاتی ، پاشی هاتنا داعشێن هەرجار یێن تیروریست ، ژ دەرئەنجامێ هاتنا وان ب دەهان مال هێلان بێ زەلام . ئاریشە هند کەتینە سەر ئێک هندی بێژین تەمام نابن ، ل ڤێرێ کا دێ چارەسەریا کورونایێ باشور کەنگی و چەوا بیت ؟
من دڤێت مەرەمەکێ دیاربکەم ، ب هاتنا ڤایروسێ کوڤید ١٩ ، تا رادەکی ب هاریکاریا جڤاکی حکومەت شیاشە ڤێ ئێشێ کونترول بکەت ، ئاها ئەوا من دڤێت بێژم ، گەلی خەلکێ ئێشای و ماف لێ هاتی زەفتکری ، هیڤیدارم وە هاش خوە هەبیت ، ڤان هەمی نەهامەتیا ژ بیر نەکەن ، رێکێ ژی نەدەن ، کو هندەک هەول بدەن بداوی هاتنا کوڤید ١٩ هەمی تشتا ژ بیرا وە ب بەن ، ئەوێن ئەفە ٢٩ سالە هەمی ماف ل خەلکی زەفتکرین
سەگڤان ئەرتیسی، دهوك

پتر به‌رچاڤ بكه‌
زر الذهاب إلى الأعلى
إغلاق

TEST

TEST2