ماوەیێ سێ روژانە ل سنورێ قەزا سوران و رانیا ل دەڤەرا زینێ و وەرتێ، د ناڤبەرا هێزێن پارتی و ئێکەتی و پە کە کێ، کێشە دەرکەتینە، ل گوری هند چاڤ کانیان ل وێ دەڤەرێ ، د سەریدا هند کەسان خاستیە بچن ناڤا رەزو بیستانێن خوە لێ ژ ئالیێ زالگەهێن پارتی رێ لێ هاتیە گرتن ژ بەر قەدەغەیا هاتن و چونێ، وان ژی دەست ب گەفان کریە ئەگەر رێ نەهێت داین دێ ب ئاوایەکێ دن سەرەدەری وەرە کرن، کو دەمەکی دا ئەڤ کەسانە کەسێن پلەدارن سەر ب ئێکەتی نیشتیمانی کوردستان ڤە، دیڤدا رەوش بەرەف ئالوزیێ چویە دەمل دەست هێزەکا لیوا حەفت سەر ب وەزارەتا پێشمەرگەی ل وی جهی ب جی بویە،دورا ب فەرمانا مستەفا چاو رەش فەرماندێ یەکا حەفتێ یاب سەر ئێکەتی ڤە، هاتیە ل ڤاندن بو وێ دەڤەرێ و ل سەرێ لوفەیێن وەرتێ ب جی کرینە، هەروەها ل گور گوتنا چاڤ کانیا، شڤێدی هێزەکا ب سەر دژە تیرورا ئێکەتیێ ل رانیا ب جی بویە،و پارتی ژی فەرماندەیا هەلگورد بو وێ دەڤەرێ ب رێ کریە،و کێشە گەهایە وێ یەکێ ژ ئالیێ پارتی هند خالێن زێرەڤانیێ ژ بوی وێ دەڤەرێ وەرن دانین لێ ئەڤ یەک ژ ئالیێ ئێکەتیێ هاتیە رەدکرن، ژ بەرکو وێ دەڤەرێ ب دەست هەلاتا خوە دزانن، هەروەها ژ ئالیێ پە کە کێ ، ژی هوژداریێن توند هاتینە کو ب هیچ ئاوایەکی ئەو رێ نادەن خالێن چاڤدێری و زێرەڤانیێ ل وێ دەڤەرێ ب هێن دانن و د بێژن ئەو دەڤەر مە ب خین رزگار کریە و ب سنورێ دەستهەلاتا خوە د زانین، هەیا نها ژی ئەو کێشەیە د دومیت و ژ ئالیێ حکومەتا هەرێمێ ژی هینا چ داخویانی ل هەمبەر ڤێ کێشەیێ نە دەرکەتینە
