بسپورێن نەخۆشیێن (دەڤ و دفن و گەوریێ) ئاشكرا كر، ڤایرۆسێ كۆڕۆنا كارتێكرنێ لسەر هەستێن تام و بێهنكرنێ دكەت، و وان بسپوران داخوازكر ئەو نیشانە لسەر نیشانێن تۆشبوونێ ب نەخۆشییا كۆڤید 19 بهێتە زێدەكرن.
ل گورەی دەنگوباسەكێ ڕۆژناما “دەیلی مەیل” یا بریتانی، ناڤەندا نەشتەرگەریێن (دەڤ و دفن و گەوریێ) یا بریتانیا بفەرمی داخواز كرییە كاریگەرییا ڤایرۆسێ كۆڕۆنا لسەر هەردوو هەستێن تامكرن و بێهنكرنێ بێخنە دلیستا نیشانێن تۆشبوونێ ب وی ڤایرۆسی، و بۆ وێ مەبەستێ ژی، یاداشتەك ئاراستەی ساخلەمییا گشتییا بریتانیا كریە.
ناڤەندا ناڤبری دایەزانین، كو پشتی ڤەكولین لسەر هژمارەكا زۆر یا تۆشبوویێن ڤایرۆسی ئەنجامداین، دیاربوو، دوو لسەر سێیا نەخۆشان هەستێ تامكرن و بێهنكرنێ نەمایە.
