ئارتێشا تورکیا تۆپبارانا چەند جهان ل سنورێ ناحیەیا سیدەکان ل دەڤەرا برادۆستا سەر ب پارێزگەها هەولێرێ کر و زەرەر نەهاتنە زانین.
شەڤا دەربازبووییڤە هەیا سپێدەهیا ئەڤرۆ ئەینییێ ئارتێشا تورکیا تۆپبارانا سنورێ گوندێن گەروا زرارا و شێخ ڕەش و بلنداهیێن گوندێ لێتانی کریە.
دیارکر ژی، تۆپبارانان زەرەر بۆ وەلاتیێن وان گوندان نەبوویە و تنێ ترس ل دەف وەلاتیان پەیداکریە.
ئەڤە ژی پشتی وێ یەکێ دهێت، کو بەریا دوو ڕۆژان وەزارەتا بەڕەڤانیا تورکیا ڕاگەهاند، د هێرشەکێ دا ل دەڤەرا هافتەنینا قەزا زاخۆ دوو لەشکەرێن وان هاتنە کوشتن و دوویێن دی ژی برینداربوونە.
