كوردستانینووچه‌

هەسەدێ‌ لسەر داخوازا نەتەوێن ئێكگرتی چاڵاكیێن لەشكەری ڕاوەستاندن

هێزێن سوریا دیمۆكرات (هەسەدە) ل سەر داخوازا سكرتێرێ گشتیێ نەتەوێن ئێكگرتی چالاكیێن لەشكەری راوەستاندن . داخوازا گوتێرێس ژ بۆ وێ یەكێ بوو كو رێ ل بەر بەلاڤبوونا ڤایروسێ كۆرۆنا ل سووریێ بهێتە گرتن
هێزێن سوریا دیمۆكرات ژ بۆ رێگرتن ل ڤایرۆسێ كۆرۆنا بەرسڤا داخوازا ئەنتۆنیۆ گۆتێرێس سكرتێرێ گشتیێ نەتەوێن ئێكگرتی دا ، و هەمی چاڵاكیێن خۆ یێن لەشكەری ڕاوەستاندن
ئەڤ داخوازا سكرتێرێ گشتیێ نەتەوێن ئێكگرتی ژ لایەنێن ناكۆك بۆ راوەستاندنا شەڕی ل سووریێ , د چارچۆڤەیا رێنمایێن ساخلەمیێ بۆ رێگرتنێ ل بەلاڤبوونا ڤەیرۆسێ كۆرۆنا هاتبوو كرن
گابرێل كینۆ ،پەیڤدارێ‌ هەسەدێ دبێژیت: ڕاوەستاندنا چالاكیێن لەشكەری, ل سەر داخوازا سكرتێرێ گشتیێ نەتەوێن ئێكگرتی یە . كو بانگ ل هەموو لایەنێن شەڕ كربوو ، كو شەڕی ل سوریێ ڕاوەستینن , هەتا كو خەلك ئاوارە نەبیت و رێگری ل بەلاڤبوونا ڤایروسێ كۆرۆنا ل ناڤ سووریێ بهێتە گرتن
ژ لایێ خۆڤە سەرۆكێ جڤاتا لەشكەری یا سووری ل هەرێما تل تەمر گۆت: ئەڤ نەخۆشییە بۆ هەرێمێ مەترسیەكا مەزنە . لێ داگیركەریا تورك و چەكدارێن گرێدایی وێ , پابەندی ئاگربەستێ نابن ، و پشتی بەلاڤبوونا ڤێ ڤایروسێ و هەتا نها ل سەر گەلەك خالێن باژێرێ تل تەمر و ئوم ئە‌ل-كێف بنپێكرن هاتینە كرن . شەڕ و مەترسیا بەلاڤبوونا ڤێ ڤایروسێ كاریگەریێ ل سەر دەروونێ‌ خەلكێ دكەت . هەروەسا بڕینا ئاڤێ ل سەر باژێرێن رۆژئاڤایێ كوردستانێ‌ , ژلایێ توركیا ڤە فشارەكا دەروونی ژ یا ڤایروسێ كۆرۆنا زێدەتر ل سەر خەلكێ دروست كریە
ل گۆری دەستەیا ساخلەمیێ ژی هەتا نها چ حالەتەكێ ڤایروسێ كۆرۆنا ل رۆژئاڤایێ كوردستانێ نەهاتیە تۆماركرن

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close