دەما مروڤ تەماشەی زوربەیا سیستەمێن رێڤەبەرتیا حکومرانیێن جیهانێ بگشتی و ب تایبەت ل جیهانا پاشکەفتی دکەت ، دێ بینیت هەردەم مروڤێ نە د ئاستدا ، مروڤێ زانا برێڤە بریە ، مروڤێ فەیلەسوف دڤێت ب بن حکومدار سوقرات گوتی یە ، ئانکو ژ وی دەمی تا نها مروڤێ زانا و زانستڤان پشگوهـ خستی یە ، ژ بال بالادەستان ، یان بێژین داهات و بازرگانیا وی ل سەر هەژمونا زانین و زانستی دا بی یە
دیارە ل ڤێ جیهانێ کەسانێن بالا دەست ، خودان هێز هەر تشتێ ڤیای بێ ئێک و دوو بو چویە سەر ، ل هەمان دەمدا مروڤێ خودان زانین و زانست ژی بویە بەردەستکێ وی ، وی چەوا ڤیایە وەسا رەفتار ل گەل کریە ، ب دانا هەیڤانەیەکا بێ رامان
دەما بایولوژیا ئسپانی دبێژیت هەیڤانێن رونالدوی و مێسی ب ملیونا دولارانە و یێن مە ب هزار دولارا ، پاشی دهێن د بێژنە مە چارەیەکی ل ڤێ ئێشا کوژەک بکەن، راستی ل ڤێرێ دیار دبیت کو سەرانسەری دونیایێ ب تایبەت سیستەمێن سەرمایەداری مروڤ بەرەف ئاقارەکێ کوژەک برینە ، ئەو گرنگیا ئەڤ سیستەمە ب خوەشیێن بێ مانا د دەن ، نەشیاینە گرنگیێ ب مروڤێن خوەدان مروڤایەتی بدەن
ڤی ڤایروسی بو هەمی هێز و دەسهەلاتدارا دیارکر ، کو ب دروستکرنا هێز ، لەشکەر ، ئەتوم ، هەمی هێزێن پێشکەتنێ یێن چەکی هتد…. بتنێ هوین دشێن مفای ژێ بینن بو کوشتنا ئێک و دوو و وێرانکرنا ژینگەهێ و نە زێدەتر
ئەگەر ئەم بهێین تەماشەی کوردستانا خوە بکەین ، ب چاڤەکێ ڤەکری و دویر ژ هەر بریارەکا دلینیێ ، دێ بینین یێ خودان باوەرنامەکا زانستی وەک بێژین دختور ، بایولوژی ، کیمیازان ، ئەندازیار ، مامۆستا هتد….. ئانکو بوینە بێ ترانکێن کومەلگەهێ ، هەلبەتە ئەڤ دیاردەژی یا بێ دەرئەنجام نی نە ، من رێز بو هەر تاکە کەسەکی هەیە وەک مروڤ ، لێ مە بڤێت نەڤێت مروڤ وەک چێکەرەک جیاوازیا خوە یا بایولوژی ، زانستی ، هزری هتد…هەیە ئەگەر نەبیت ئەرێ بوچی ئەم هەوارا خوە بو زانستی د بەین؟ ژبەر وێ ، ڤی ڤایروسی وانەکا ژیانێ پێشکێشی مروڤایەتیێ کر و هشیارکرن ، ژێرا دبێژیت زانین و زانستڤانا بێخن پێشیا خوە ، ژبو وێ ژیانا وە هەمیا دا یا پاراستی بیت ، نەک وەک بەریا نها ، کەسەکێ نەزانیت ناڤێ خوە بنڤیسیت بکەن پلە دار و خودان هێز ، مروڤێ زانا ل بەر دەرێ وی ب مینیت تاکو ئەو کارێ وی برێڤە ب بەت ، مە نموونێن زور هەنە ل وەلاتێ مە ، کا چەند زانست ب مەرەم دهێتە شکاندن ، ئەڤرۆ دیارە پلە و موچێ ئێکی یێ نەشیای خاندنا خوە تەمام کەت و ژ خاندنێ رەڤی دوو جار هندی کەسەکی ب بهاترە ژ ئەوێ ژیێ خوە هەمی ب خاندن و زانستی ڤە بربیت
هەردەم هەوار هەوارا مروڤا بی یە گەلی دەسهەلاتێ ، مروڤێ ژ هەژی ب دانن جهێ ژ هەژی ، وە گوهـ ، چاڤ ، هەست د گرتن ، وە هەر وەک خوە دکر ، دێ کەرەمکەن ب هێز و دفن بلندیا خوە چارەکێ ل کوڤید ١٩ بکەن
لێ ئەڤرۆ خوەش بەختانە دەولەت سەرێ ڤایروسێ کورونا مروڤێ زانا و زانست ئێخستن د قالبێ ویێ راست و دروستدا ، ل پێشیا مروڤایەتیێ دانا ، چاڤێ هەر مروڤەکی ل ڤەدیتنا چارەسەریا ڤێ ئێشێ یە، ژ بال مروڤێن زانست
دوست ڤە ، چ ل پلا هەرە مەزن یا هێزێ یان یا نزمترین ئاستدا بیت
سەگڤان ئەرتیسی،دهوك
