کونسولێ چینێ ڕاگەھاند، بۆ روبرووبوونا کۆرۆنایێ مە ب ھزاران ئامیرێن پشکنین و پێدڤیێن نۆژداری بۆ عێراق و ھەرێمێ ھنارتنە
نی روچی کونسولێ چینێ ل ھەرێمێ د کۆنفرانسەکێ ڕۆژنامەڤانیێ دا ڕاگەھاند، ئەو تیما نۆژداری یا ھاتیە ھەڕێما کوردستانێ ٦۰ ھزار دەمامکێن نۆژداری دگەل خۆ ئیناینە و وەک ھەڤکاری پێشکێشی وەزارەتا ساخلەمیێ کرنە و ھیڤی خۆازن پێدڤیێن ھەرێمێ بھێن تژیکرن
ھەڤدەم، سامان بەرزنجی وەزیرێ ساخلەمیا ھەرێمێ باحسا وێ یەکێ کر ، ئەو تیما نۆژداری یا چینی سۆبەھی دێ سەردانا سلێمانیێ کەن ل روویێ شارەزایی و تەکنیکا کارکرنا وان و ڕێگرتن ژ بەلاڤبوونا ڤایڕۆسی ، دێ ھەڤکاریا تیمێن ساخلەمیا ھەرێمێ کەن
زەلالکریە ژی، قەدەغەیا ھاتن و چوونێ گرنگیەکا مەزن ھەبوویە و ئەگەر نەبوایە دا کۆنتڕۆلکرنا ڤایڕۆسی بزەحمەت بیت ، ھەلسەنگاندن د بەردەستن، گۆتوبێژ و بریارا پێدڤی دەربارەی دڕێژکرنا قەدەغەیا ھاتن و چوونێ دێ ھێتە داین
ھەیا نھا ۱۲٨ حالەتێن توشبوونێ ب ڤایڕۆسا کۆرۆنایێ ھاتنە تۆمارکرن ، ۱۷ توشبووی ل پارێزگەھا سلێمانی و ٤٨ توشبووی ل پارێزگەھا ھەولێر و ۹ حالەت ژی ل پارێزگەھا دھۆکێ نە و ھەیا نھا ٥۳ حالەت چێبوونە و دوو حالەتێن ژیان ژدەستدانێ ھاتنە تۆمارکرن
