كوردستانینووچه‌

ئاکنجیێن کۆمەلگەها قەدشێ ل سنوورێ قەزا ئامێدیێ دێ دوو هەفتیان کەرەنتینێ دا بن

وەزارەتا ساخلەمیا هەرێما کوردستانێ دوهی شەمبیێ 28ی ئادارا 2020ێ، حالەتەکی توشبوونێ ب ڤایرۆسێ کۆرۆنا ل کۆمەلگەھا قەدشێ ل سنوورێ قەزا ئامێدیێ دەستنیشانکر.

پشتی کو ل پشکنینێن گەنجەکی تەمەنێ 19 سالی یێ کۆمەلگەها قەدشێ دەرکەفتی کو هەلگرێ ڤایرۆسێ کۆرۆنا یە تەمامیا ئاکنجیێن وێ کۆمەلگەهێ یا کو سەر ب قەزایا ئامێدیێ ڤە ل مالێن خوە بۆ ماوەیێ دوو هەفتیان دێ ل گەرەنتیێ دا بن.

دکتۆر شاکر عەبدولعەزیز رێڤەربەرێ ساخلەمیا قەزا ئامێدیێ د راگەهاندنەکێ دا دیارکر، کو پشتی ئەو گەنجێ کۆمەلگەها قەدشێ یاکو سەر ب ناحیە سەرسنگێ ڤە ل سنوورێ قەزا ئامێدیێ توشبووی ب ڤایرۆسێ کۆرۆنایێ نوو وان بریارا گەرەنتیکرنا هەموو ئاکنجیێن وێ کۆمەلگەهێ دمالێن وان ڤە دایە.

هەروەها ناڤهاتی ئاماژە ب وێ چەندێ ژی دا، کو نها هەموو رێکێن توند یێن خوە پاراستن و ئێمناهیێ و ساخلەمیێ ل کۆمەلگەھێ گرتینه بەر.

دیسان داخوازی ژ وەلاتیێن کوردستانێ ب گشتی کر کو دگەل حکومەتێ و وەزارەتا ساخلەمیێ دهاریکاربن هەتا کو ئەڤ ڤایرۆسە دهێته کۆنترۆل کرن.

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close