ژ ڕۆمانا ئەنتيخريستوس Antikhiristoos
ژ نڤيسينا د.ئەحمەد خالد مستەفا، دا ھاتيە.
بۆ ئێكەم جار شەرێ بايلۆجى د مێژوويێ دا ڕويدايى، ئەو بۆ دەما ژ نشكەكێ ڤە بارانا لەشێن مرييان ب سەر باژێرێ (كافا) يێ (ئوكرانى) يا كەڤن دا بارين. ھەلبەت باژێرێ ناڤبرى ديوارێن خوە گرتبوون ژبەر ھێرشێن مەغولييان، لێ وان ڕۆژان تاعونا ڕەش ل ئاسيا بەلاڤببوو، سەربازێن مەغولييان ئەوێن باژێرێ كافا
دورپێچكرى توشى تاعونێ ببوون ئێدى لەشێن سەربازێن خوەيێن مرى ددانانە سەر مەنجەنيقا و ب سەر ديوارێ باژێرێ ناڤبرى ڕا دھاڤێتن و ھوسا برێكا ئێشا تاعونێ ھژمارەكا زور ژ مرۆڤان مرين. بشتى جوھى ب زانابوونا خوە ژبەر تەرمێن تاعونى ئەوێن ب سەر واندا باراندين دچن و ل باژێرێن جودا جودا يێن ئەوروپا دا ئاكنجى دبن، ئێدى تاعونا دگەل خوەدا برى دناڤ باژێرێن ئەوروپا ژى دان بەلاڤەكر،
و وەھا ھژمارە مريێن ئەوروپا ژ دەھ مليونان بۆرى، و سالا دوويێ ھژمارا مرييا دووجار ھند زێدە بوو و گەھشتە بيست و پێنچ مليونان، سئ چارێكێن ئەوروپا د مرن. لێ ڤايرۆسێ كورۆنا يێ ئەڤرۆ جيھان بخوە ڤە گرتى Covid-19 نە وەكو مەترسيا تاعونێ يە، ئەڤ د دەمەكيدا كو كەس نەشياييە بدروستى پێناسەيا ڤايرۆسێ ناڤبرى بكەت. بھەررەوش، وى مافى نادەينە خوە مايتێكرنێ د كەرتێ ساخلەمى و نوژدارێن تايبەتمەندا بكەين. لێ ديسان ژى گەلەك دەنگويێن جودا جودا ل سەر ڤايرۆسێ كۆڕۆنا دەنگڤەداينە بگرە ژ ئاليێ: سياسى، فەلسەفى، ڕەۆشەنبيرى، ھونەرى و ئولى و ھتد.
ئێدى مرۆڤ دشێت مينا دەريايەكا پر پێل پێناسە بكە لێ پێلا ئەز بخوەرا تەركريم: دبيت ڤايروسێ ناڤبرى دەستچێكريێ چەكەك بايلۆژى بيت و ئارمانج ژێ ژ ناڤبرنا مرۆڤێن دانعەمر بيت، چۆنكى مرۆڤێن دانعەمر دخانەنشينكرينە و ژ ئاليێ ئابورى ڤە بارەكێ گرانن ل سەر مللێن وەلاتێن جيھانى. ھەروەك چەوا ئەم دبينين ڤايرۆسێ ناڤبرى مەترسييا كێم ل سەر گەنج و زارۆيان ھەيە.
ل سەر ڤێ ئێكێ كەرتێ تەندروستيێ وەلاتێ (چين)ێ، ئاماژێ ب وێ ئێكێ ددەت كو مەترسييا ڤايرۆسێ كۆڕۆنا تنێ ل سەر تەمەنێ 47ێ، ساليێ و ب سەردا ھەيە. وەلاتێن ئەوروپا ژى بھەمان شێوە دھەڤرانە كو ل سەر تەمەنێ 50ى، و ب سەردا ھەيە. لڤێرێ وەكو ئەم ژى دبيمنين كو ڕێژەيا ھەرى زور ژ ئامارێن تەندورستيێن جيھانى W.H.O ددەنە دياركرن كو ڕێژا زورينەيا گياندەسدايێن كۆڕۆنا يێ، لسەر تەمەنێ 65 ساليێ و دسەردانە. ھەلبەت پێويستە مە ڕەۆشەنبيريا خوەپاراستنێ ژڤى ڤايرۆسێ مەترسيدار ھەبيت، و ئەم دبينين ھاوەلاتيێ ھێژا پێگريێ ب ڕێنمايێن وەزارەتا تەندروستى ددەن،
لێ دھەمان دەمدا پێويستە حكومەتا ھەرێمێ ژى پێگيربيت ب دابينكرنا پێداويستيێن ھەولاتيێ خوە بگرە: ژ كەرستێن خوارنێ، كرێ، بەرھەڤيێن مرۆڤێن نەخوەش، و يا ژ ھەميان گرنگ تر دابينكرنا مووچان و ھتد. بۆ نموونە، ل وەلاتێ بريتانيا ژى كاركەر ژ كارێن خوە ڕاوەستياينە لێ دھەمان دەمدا مووچەيێن خوە برێكا كارتێن خوە يێن بەنكان ھەروەك بەرێ وەردگرن.
لێ مخابن، بەرھەمێ سيھ سالان ژ حكومرانيا حكومەتا ھەرێمێ ئاسانكارى ل ئاستێ پێدڤى ژ بۆ ھەولاتيێن خوە دابينەكرينە. ئێدى بنەرينا مە ھەكە حكومەت ب زووترين دەم پێداويستييان ژ بۆ ھەولاتيێ خوە دابين نەكەت، ئەم دبينين كو خەلك ژ ئەگەرێ برس و نەچاريێ دێ ڕابيتە سەر،
و ئێدى ھەكە خەلك ژى ڕابووسەرخوە نە مەترسييا ڤارۆسى و نەژى تۆندوتيژييا حكومەتێ، نەشێتن ڕابگريتن
دەمھات نورى عەبدال
