سوپایێ ئەمریكا سیستەمێ پاتریوت ل عیراقێ جێگیر دكەت بۆ بەرەنگاربوونا ئیران وگروپێن وێ ل ڤی وەلاتی. ئاژانسا نوه‌چەییا فەرەنسی بەلاڤكریە: ئەمریكا سیستەمێ بەرەڤانیا پاتریوت یا دژە موشەكان ل هەردوو پارێزگەهێن هەولێر، ئەنبار
جێگیر دكەت. راگەهاند ژی: حەفتیا رابووری سیستەمێ دژە موشەكی “پاتریوت” گەهشتیە بنگەهێ له‌شكه‌ریێ عەین ئەسەد ل سنورێ ئەنبار یێ روژئاڤا عیراقێ، و هێزێن ئەمریكی د نوكە دا تێدا د جێگیرن. هەروەسا سیستەمەكێ دیێ بەرەڤانیا ئەمریكی ژی گەهشتیە بنگەهێ له‌شكه‌ریێ ئەمریكی ل هەولێر. سیستەمێ پاتریوت ئێكە ژ پێشكەفتیترین سیستەمێن دژە موشەكی و رەوانەكرنا وان بۆ بنگەهێن له‌شكه‌ری ل عێراقێ، وەك رێگرییەكێیە بۆ هەر پێشهاتەكا ل ئیران ل دژی بەرژەوەندیێن ئەمریكا ل عیراقێ بگریتە بەر.
هەروەسا ژێدەرەكێ له‌شكه‌ریێ عێراقی ژی ئاشكراكر
ئەڤرۆ سیستەمێ بەرەڤانیێ پاتریوت رێگری ل دوو موشەكێن ئاراستەكری بۆ سەر بنگەهێ عەین ئەسەد ل رۆژ‌ئاڤایا عێراقێ كرن یێ له‌شكه‌رێ ئەمریكی تێدا د جێگیرن
