وەزارەتا ساخلەمییا هەرێما كوردستانێ ڕاگەهاندنەك دەربارێ ڤایرۆسێ كوڤید 19 ل هەرێما كوردستانێ بەڵاڤكر، و دازانین، تیمێن ساخلەمیێ دبەردەوامن بۆ ئاشكراكرنا تووشبوویێن ڤایرۆسی و ئەنجامدانا پشكنینان بۆ هەر كەسەكێ گومانا تووشبوونێ لسەر هەبیت و دماوێ 24 دەمژمێرێن دەربازبوویدا، (607) پشكنین لسەرانسەری هەرێمێ ئەنجامداینە.
ل گورەی راگەهاندنا وەزارەتا ساخلەمیێ، دماوێ 24 دەمژمێرێن دەربازبوویدا 12 حالەتێن نوو یێن تووشبوونێ بڤایرۆسێ كۆڕۆنا هاتینە توماركرن، كو پێنچ حالەت ل پارێزگەها سلێمانیێ بوون، و شەش حالەت ل پارێزگەها هەلەبجە هاتینە توماركرن و حالەت ل پارێزگەها هەولێر
ب وێ چەندێ هژمارا سەرجەمێ تووشبوویێن ڤایرۆسێ كۆڕۆنا ل هەرێما كوردستانێ گەهشتییە (162) كەسا، كو دوو كەسا گیانێ خۆ ژدەستدایە و 57 تووشبووی بتمامی چارەسەر بووینە
