ل پارێزگەھا دھۆکێ بھایێ ھەر ئەمپرەکێ کارەبا موەلیدێ بۆ مەھا دەربازبووی ھاتە دیارکرن کو ٩ ھزار و ٥٠٠ دینارن.
ھەکار ھروری نوونەرێ خودانێن موەلیدان د لیژنەیا موەلیدەیێن دھۆکێ دا راگەھاند، ئەڤرۆ پێنجشەمبێ ٢ێ نیسانا ٢٠٢٠ێ لیژنەیا موەلیدان جڤینەک لدارخست، ھەر د جڤینێ دا بریار ھاتەدان کو بۆ ھەر ئەمپیرەکێ کارەبا موەلیدێ بۆ مەھا ئادارێ ٩ ھزار و ٥٠٠ دینار بھێنە وەرگرتن.
دیار ژی کر، د مەھا دەربازبووی دا ژ ئالیێ موەلیدێن وی سنوری ٧ دەمژمێر و نیڤان کارەبا موەلیدێ ب وەلاتیان ھاتیەدان.
ئەڤە ژی د دەمەکێ دایە، بھایێ مەھا سباتێ ١١ ھزار و ٢٥٠ دینار ھاتینە وەرگرتن لھەمبەر پێدانا ١٠ دەمژمێرێن کارەبا موەلیدێ، ھەڤدەم ژبەر مانا د مالادا یا وەلاتیان وەک پێگیری کرن ب رێنمایێن ساخلەمیێ لھەمبەر بەلاڤنەبوونا ڤایرۆسێ کۆرۆنایێ پێدڤیا وەلاتیان لسەر کارەبێ زێدەتر بوویە
