ساخله‌می

10 خوارن ژبۆ ب ھێزبونا بەرگریا لەشی دژی ڤایروسێ کورونایێ.

نوژداران ئاماژە ب ھێزبونا سیستەمێ بەرگریا لەشی کریە کو دژی کورونایێ د ڕاوەستیت. گەلەک کەس پشتا خوە ب خوارنا دەرمان و ڤیتامینان گەرم دکەن.

ماڵپەرێ سکای نیوز ئاماژە ب 10 خوارنا کریە کو سیستەمێ بەرگریا لەشی ب ھێز دکەتن، ب ڕەنگەکی دکاریت بەرھەنگاریا ڤایروسێ کورونایێ بیتن، و ب سەردا زاڵبیتن، چونکی لاوازبونا بەرگریا لەشی رێخوشکەر دبیتن ژبۆ توندبونا نەخوشیێ و زاڵبونا ڤایروسی بسەر ئەندامێن لەشی دا. خوارن ئەڤن: ترشاتی وەک پرتەقال و لیمون لالنگی و سندی کو زەنگینن ب ڤیتامین C و ڕێخوشکەرن ژبو ب ھێزبونا بەرگریا لەشی، ئەڤ ڤیتامینە ڕۆل ھەیە د زێدەبونا خروکێن سپیێن خوینێ، کو ب کلیلا بەرھەنگاریا ڤایروسان ددانن. فلفلا سۆڕ بەروڤاژی ژ ترشاتیان ڤیتامین C تێدا بلندترە، دگەل ڤێ ژی چافکانیێ بیتا کاروتینی کو مینا ڤیتامین C دبینیت، بەرگریا لەشی بھێز دکەت و پیست و چاڤان ب تەندروستی دھێلیتەڤە. برۆکلی زەنگینە ب ڤیتامین A و C و E و کانزا و ماددێ ڕھان و دژەئوکسان، ب کەسکاتیەکێ گرنگ ددانیتن بوو بھێزبونا بەرگریا لەشی. سیر دژی بەکتریایێن لەشی ڕادوەستیت و فشارا خوینێ دئینیتە خوارێ، ب سەدەما ھەبوونا ماددەیێ ئەلیسین تێدا بەرگریا لەشی ب ھێز دکەت. زەنجەفیل ب چافکانیا گرنگا چارەسەریا گەلەک نەخوشیا ددانیت، ئلتیھابان ناھێلیت تایبەت ئلتیھابێن گەوریێ، ھەستکرن ب بھێن تەنگیێ و ئاریشا نەخوشیێن ڤایروسی، دیسان ئاستێ کلسترۆڵی د خوینێدا دئینیتە خوار و ئێشێن دووم درێژ کێم دکەتەڤە.. سپیناخ زەنگینە ب ڤیتامین C ، زەنگینە ب ماددەیێ دژەئوکسان و بیتا کاروتین کو ھەردوو بەرگریا لەشی ب ھێز دکەتن. ماست بەرگریا لەشی دژی نەخوشیا ب ھێزدکەتن، ھوون دکارن تێکەلی فێقی و ھنگڤین بکەن ژبوو دەستکەفتێن پێتر، زەنگینە ب ڤیتامین D و لەشی دژی نەخوشیا ب ھێزدکەتن. باھیڤ زەنگینە ب ڤیتامین E و د شیاندایە دوھنیاتا ب مێژیتن، خوارنا کوپەکێ باھیڤێ ڕێژا پێویستا ڤیتامین E د لەشی دا دابیندکەتن. بھاراتێن زەر بھاراتێن زەر ب سالانە گەلەک وەک چارەسەری ژبۆ ئلتیھابێن چوکا بکارھاتینە، ماددێ کەرکەمینی تێدایە کو سەدەمە ژبۆ ڕەنگێ زەردەچەوە و نەهێلانا تێکچونا ماسولکان. چایا کەسک چایا کەسک و ڕەش زەنگینن ب ماددێ “فلافۆنوید” کو جورێ ماددەیەکێ دژەئوکسانێ یە، د چایا کەسک دا پێتر ھەیە بەرگریا لەشی ب ھێز دکەتن.

پتر به‌رچاڤ بكه‌
زر الذهاب إلى الأعلى
إغلاق