وەزارەتا ساخلەمیا هەرێمێ راگەهاند، ١١ کەسێن دی ل سلێمانی و هەلەبجە و دەربەندیخان توشی کۆرۆنایێ بوون و ب وێیەکێ ژی هەژمارا توشبوویێن هەرێمێ بۆ ٢٠١ کەسان بلندبوو.
ئەڤرۆ پێنجشەمبێ، وەزارەتا ساخلەمیا هەرێمێ ڕاگەهاند، ” د بەردەوامیا پشکنین و گەریان ب دویڤ گۆمانلێکریان، ١١ توشبوو ب کۆرۆنایا نوو COVID-19 ل سلێمانی و هەڵەبجە و دەربەندیخان هاتنە دەستنیشانکرن، کو شەش زەلام و دوو ژن و سێ زارۆکن”.
زەلالکر ژی، ” حەفت ژ توشبوویان ل پارێزگەها سلێمانیێن و بەرکەفتیێن توشبوویێن بەرێنە و یەک ژوان پێشینەیا گەشتا ئێرانێ هەبووە”.
لگۆڕەی ئامارێن وەزارەتا ساخلەمیێ، هەیا نها ٢٠١ حالەتێن توشبوون ب کۆرۆنایێ ل هەرێمێ هاتنە تۆمارکرن، ل وێ هەژمارەیێ ژی دوو کەسان ژیانا خوە ژ دەستدانە و ٦١ یێن دی ژی ب تەمامی چێبوونە
