نێرین

پارتێن سیاسی یێن باشور بەرەف کیڤە؟

پ دەما مروڤ د نێریتە هەر دیاردەک ژ دیاردێن ڤی ئەردی چ سروشتی یان مروڤی ، دێ بینیت بەردەوام حەزا خوە نویکرنەڤێ هەیە ، ژ بو وێ چەندێ کو باشتر ب بیت یان ب بیت ژ باشترینا ، تاکو بشێت ب شێوەیەکێ باشتر سەرهەلدەتەڤە . نوێ بونا سورشتی دیارە ، ب روەک و گیانادارڤە ، هەروەسا کەتواریا وان ژی ژ جەمسەری بو ناڤەند و هێلا یەکسان ئێک ژ ئێکا دی جیاوازە ، هەر ئێک ل گورەی کەتوارێ خوە پێشوازیا سروشتێ خوە دکەت. لێ ژ بەخت رەشیا خەلکێ باشور پارتێن سیاسی یێن باشور ، چەوا ژ دایک دبن ئێک سەر بەرەف قەبری ڤە دچن ، بێ کو ژ قوناغا ساڤاتی ، گەنجاتی ، گەهشتی ، پاشی پیریاتی را دەرباز ب بن ، هیچ نیەتەک ل دەف نینە بەرەف نوێ بونێ ڤە بچن ، یان بشێن خوە ل گەل کەتوارێ روژەڤ و دەڤەرێ ب گونجینن. ژ بەر نە بوونا خاندنەکا تیوریا نوێ بونێ و چەوانی یا خوە گونجاندنێ دگەل کەتوارێ دەڤەرێ ئەڤرۆ پارتێن باشور ب گشتی ، دناڤا خەیالەکا کوژەک دا ، بەردەوامیێ د دەنە روژەڤا خوە یا سیاسەتێ ، روژ بۆ روژێ ئەوژی نزانن دێ بەرەف کیڤە چن . مللەتەکێ وەک مللەتێ کورد ، کو ب درێژاهیا دیروکێ بن داگیرکەریا وەلاتێن دەردوور ڤە ژیان کریە ، یا دیارە ژی کو مللەتێ رەسەنێ دەڤەرێ ژی هەر کورد بینە ، لێ بوچی ئەڤرۆ هاتینە داگیرکرن ب جوگرافی ، مێژوو ، ئاین ، زمان ، کەلتور هتد…. هەمی د زڤریتەڤە بۆ نەبونا کەسێن کاریزما و خودان هشیاریەکا سیاسی ل گورەی سیاسەتەکا مێژووی ، جوگرافی ، جیوپولیتیکی ، کومەلناسی ژبەر وێ پێویستی ب پارت و سیاسەتڤانێن هەرە هشیار و وێرەکە تاکو بشێن ڤی مللەتی ژ ڤێ خەوا گران هشیار کەن. گەر بهێین پارتێن باشور ل گور رەهەندێن وان یێن هزری و سیاسی بدەینە بەرچاڤ: ئەو پارتێن ب دروشمێن نەتەوەی یێن مەزن خوە لێ دکەنە خوەدان ، ل ڤێرێ پێویستە دروشم ب گوتن و کریار بکەڤن بەرئێک وەک قالبێن بلوکا ، ئەگەر ئێک بلوک ژی دروستی نەکەت سەر ئێک لەوانەیە وی بنایەتی هەمیێ ب هەرفینیت ، ژ بەر وێ دەما تەماشەی دروشمێن پارتێن بناڤ نەتەوەی دکەین دێ بینین ئەرد و ئەسمان ژێک دویرن ، چونکە زور گرنگە پیروزیێن مللەتی ب رەهـ و ریشالڤە بهێن پاراستن ، پیروزیێن مللەتی ب گوتن ناهێن پاراستن ، پیروز راگرتنا وان دروشما ب خزمەتگوزاریا ڤە گرێدایە ، دەما تو بەحسی خاک، ئالا، پێشمەرگە هتد… دکەی دڤێت تو بشێی کارەبێ ژی دابین بکەی کو ژ هەمی کارێن حکومرانیێ ئاسانترە بو ئەڤرۆ ، تو دەرفەتا کاری بو گەنجا ڤەبینی ، لێ دەما تو د بینی گەنجێن تە د بنە خارن بو حویتێن دەریا ئیجە ، یان هەر تشت ژ وان دروشما بوینە بازرگانی ، ئەرێ تو نا بێژی دێ بەرەف کیڤە چیت وەلات. بهێین بەحسا پارتێن ئاینی بکەین ، ئەڤ پارتە یێت هەر ئاینە کی بن ، ل پێشیێ و ب درێژاهیا دیروکێ ، کوردێن موسلمان هیچ کێشەکا ئاینی نە بیە دگەل داگیرکەرا ، سەر وان هەمی حالا ژی مەزنترین دربێن جینوسایدێ ب دەستێن وان داگیرکەرا خوارینە ئەوێن بناڤ دەولەتێن موسلمان ، لێ کوردێن دی هەبینە بو نموونە وەک ئێزدی هەم ژبەر ئاینی و هەم نەتەوەی هەبینە. مەبەستا من ل ڤێرێ ئەوە ، ئەرێ ئەگەر هات و پارتەک ژ پارتێن ڤان ئاینا کەتن سەر دەسهەلاتێ ؟ دێ ئەو چەوا دەسهەلاتێ کەن ؟ و وان ل بەرە ل گورەی رێنمایێن ئاینێ خوە یان هندەک رێنمایێن دی دەسهەلاتێ برێڤە ب بەن ؟ ل دویف ڤی دەست و داری بیت ئەز باوەرم هەر پارتەکا ئاینی شیا دەسهەلاتێ وەرگریت دێ بیتە مەزنترین مەترسی ل سەر ئاینێن دی ، ژبەر کو تا نهاژی هەر ئێک ژ وان پارتا تەنها ئاینێ خوە دروست د بینیت ، یان بەرێ خوە بدەینە ڤان پارتا تو نەشێی ئێک ژ ئەندامێن وان پارتا ژ ئاینەکێ دی ب بینی ، ئانکو مروڤ دشێت بێژیت وەکی ژیانا وانە ئەوێن د ژیانا شکەفتێ ڤە د ژیان ، ژبەر وێ ئەز د بینم ئەگەر ئەڤ پارتە چاکسازیەکا کەتواری دناڤ خوەدا نەکەن ، سباهیە دێ بنە مەترسی ل سەر ئێک و دوو . بهێینە پارتێن ئایدولوژی ژ ــ کومینست ، سوسیالیست ، لیبرارێن چەپ و هتد… دێ بینین دناڤ هندەک دروشمادا خوە بەرزەکریە ، دەستێن خوە داهێلاینە و د بێ بزاڤن ب ڤی سەرو بەری بیت ئەز باوەرناکەم بشێن گهورینێن بەروەخت بکەڤن دناڤ قادێ دا ، ژبەر وێ د بینم کو ئەڤێن خودان ڤان هزر و هێزا ئەگەر ژ خەوا گران را نەابنەڤە ، ل گورەی پێتڤیا دەڤەرێ و مللەتی ب گشتی دەستێن خوە نەکەنە دناڤ دەستێن ئێک دا ، دێ روژێن نەخوەشتر سلاڤ کەنە وە. پارتێن بناڤ دەنگێ خەلکێ نەرازی ، مخابن بێ خاندن و بەرنامە ، هاتن کەتنە سەر سفرا حازر و دەنگێن نەرازی ل خوە کومکرن ، سیاسەتەکا زورا کوژەک ب رێڤەبر ، وەک بێژین گوریا ئاگری ب پانزینێ هەردەم خوەش دکر ، لێ چ جارا بیر ل هندێ نە د کر ئەرێ ئەگەر پانزین نەما دێ گوریا ئاگرێ خوە چەوا گەشکەینە ڤە ؟ وەک بەرچاڤکرنەکا گشتی ، ژ هەمی لایانڤە ، ئەگەر ب ڤی دەست و داریڤە هوین د بەردەوام بن ، خوە نویکرنەڤە و چاکسازی نەکەڤن دناڤ ڤان وە هەمیان و ب تایبەت ئەوێن هێز و دەسهەلات دەستیدا ، روژێن نە خوەشتر و وێرانتر ل بەر سینگێ وەنە ، ئەرێ هوین رویدانێن ناڤ خوە و یێن دەرەکی نا خوینن ، کا پیچەک چاڤێن خوە ڤەکەن و بنێرن کا خەلک چەند ژ وە یێ تورەیە ، ما هەلبژارتنێن بوری وە ژ بیرکرینە کو رێژا ٤٠ ژ سەدێ ژی بەشدار نەبین ، ئەرێ ئەڤ رێژا هندەیا زورا گەنجێن دەرچویێن زانکویا و بێ کار و ئیش دێ چ کەن ؟ یان چاڤێ خوە بدەنە دەردورێن خوە کا چەند پلانێن کوژەک د دارێژن ، ئەرێ هوین ڤان رویدانا سەر خوە مەترسی نابین یان هوین هەما هندە ژێ چێدکەن ! دێ دوو بژارا ل بەر دەستێ وە دانم: یا ئێکێ چاکسازیەکا ناڤ خوی وەک ئێکگرتنا دوو ئیدارا ب هەمی چەمکێن خوە یێن میری ئەمنی لەشکەری و جەماوەری . راستی دەما هزر دوو ئیدارەیێ دا دکەم ، هەر تشت ل بەر هێز و هزرا من رەش دبیت ، نەشێم درەوا ل خوە بکەن و دلێ خوە خوەش بکەم ب داهاتوویەکێ گەش. دوو خاندنەکا ژیرانە ل دور جوگرافیا دەڤەرێ ، وەک بێژین هەردەم ئەڤ وەلاتێن دەر دور چەند ناکوک بن دناڤبەرا خوەدا ، لێ بو ژناڤ برنا کوردا ژ بیر نەکەن ئێک دەنگ و ئێک هەلویستن. ب باشی گەهشتی

.سه‌گڤان ئه‌رتیسى/دهوك

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close