ڤەکۆلەرێن بەریتانیا ڕاگەهاندنە، ژ دەستدانا هەستێ بێهنکرن و تامکرنێ ژ نیشانێن توشبوون ب کۆرۆنایێ نە.
ڕووپەلا بی بی سی یا بەریتانی بەلاڤکر، ڤەکۆلەرێن زانینگەها کینگس کۆڵێدج ل لەندەن، پشتی پشکنینێ لسەر ٤٠٠ هزار کەسێن توشبوو ب کۆرۆنایێ، دەرکەفتیە ژ دەستدانا هەستێن بێهنکرنێ و تامکرنێ نیشانەیە ب ئیلتیهابا کۆئەنداما هەناسەدانێ کو ئەو ژی ژ نیشانێ کۆرۆنایێ یە، لێ کێمتر دەردکەڤیت.
ژ کۆما ٤٠٠ هزار کەسان ڤەکۆلەران زانیاریا نۆژداری لێوەرگرتنە، دەرکەفتیە ٥٩ هزار کەسان هەستێ بێهنکرنی و تامکرنێ ژ دەستدانە.
ڤەکۆلەران گوتیە ژی، ژ دیارترین نیشانێ کۆرۆنایێ کۆخک و تانە، ڕێنمایا خەلکی ژی دکەن کو هەر کەسەکێ ئەڤ دوو نیشانە تێدا دەرکەفتن بلا خۆ ژ کەسێن دی دوور بکەن.
ئەنجامێ پشکنینێ ب ئاوایەکێ بوویە، ٥٣٪ یا توشبوویان هەست بن هیلاکی و ماندیبوونێ کریە، ٢٩٪ ژی کۆخکا بەردەوام هەبوویە، ٢٨٪ دی ژی توشی تەنگەنەفەسیێ بوونە، ١٨٪ هەستێن بێهن و تامێ ژ دەستدایە و ١٠،٥٪ ژی تا هەبوویە.
