دەما دوو ڕۆژانە تۆپبخانەیێن ئارتێشا تورکیا ب دژواری تۆپبارانا دەڤەرا بەرواری بالا ل سنورێ قەزا ئامێدیێ دکەت.
ژ دوهی ڤەیە ئارتێشا تورکیا ب دژواری سنورێ گوندێ ئورە ل دەڤەرا بەرواری بالا دکەن و هەیا نها نێزیکی ٣٠ تۆپان لێ کەفتینە.
دیارکر ژی، ژبەر کو گوندێ ئورە دکەڤیتە نێزیک سنورێ ولاتێ تورکیا، مەترسیا بەردەوامیا تۆپبارانان هەیە، هەیا نها زەرەر ناهێنە زانین.
ب هێجەتا هەبوونا بنگەهـ و پێگەهێن پەکەکێ ئارتێشا تورکیا ب بەردەوامی بۆمبەباران و تۆپبارانا دەڤەرێن چیایێن هەرێما کوردستانێ دکەت، ب وێ سەدەمێ ژی هەیا نها چەندین وەلاتی ل سنورێ پارێزگەها دهۆکێ ب تایبەت قەزا ئامێدیێ شەهید و برینداربوونە.
