پەیڤدارێ دەرازینکا ئیبراهیم خەلیل راگەهاند، ئاگەهداریا خەلکێ هەرێما کوردستانێ دکەین لڤینێن بازرگانی ل دەرازینکا ئیبراهیم خەلیل بەردەوامە و دێ بەردەوام ژی بیت.
کامی کەمال پەیڤدارێ دەرازینکا ئیبراهیم خەلیل د ڕاگەهاندنەکێ دا بەلاڤکر، دەربارەی لڤینێن بازگانی و ڕێکارێن ساخلەمیان، هەڤبەندی و جڤینێن بەردەوام ل ناڤبەرا سەرپەرشتیا کۆمەلگەها دەرازینا ناڤدەولەتیا ئیبراهیم خەلیل و کۆمەلگەها خابیرا وەلاتێ تورکیا دا هەنە و هەردوو ڕێکارێن ساخلەمیێ و ئەولەهیێ ژ ئالیێ هەردوو کۆمەلگەهان دێ ب چڕی هێنە جیبیکرن.
هەڤدەم، ل دەمێ قەدەغەکرنا هاتنوچوونێ ل هەرێمێ، هندەک ژ بازرگان و فرۆشیاران سەدەمێ بلندبوونا بەشەکا کەل و پەلانە بۆ درەنگ گەهشتنا بارێن وان و ڕاگرتنا ترۆمبێلێن بارهەلگرێن وانن ل دەرازینکێن سنورێ ڤەدگەڕینن.
ئەڤەژی د دەمەکێ دایە، ل ٢٩ێ ئادارا ٢٠٢٠ێ د نڤیسارەکا فەرمیدا ڕێڤەبەریا گشتیا گومرکا ئیبراهیم هەرێم داخواز ژ هەریەک ژ دەرازینکێن، ئیبراهیم خەلیل، باشماخ، پەروێزخان و حاجى ئۆمەران کر، گرنگیەکا تەمام ب وان ترۆمبێل و بارهەلگران بدەن ئەوێن کو بارێن وان خۆراک و کەرەستەیێن پاقژیێ و پێڤیێن نوژداری نە.
