شەڤا دەربازبوی ل زالگەهەکا دەمکی ل سلێمانیێ، پشتی ڤەگەراندنا نوژدارەکی ژ سەرکاری هێزێن نافخۆ رێ پێ نادەن دەربازبیت و ئاستەنگێن توند بو دەردخن و پاشان نوژداری راستی شەق لێدان و سفکاتی کرنێ دکەن، ژ بوی ڤێ یەکێ ژی کومەکا نوژدارێن سلێمانیێ هوژداریێن توند دەنە وەزارەتا نافخۆ، و بەیانەکێ بو ریا گشتی دەردخین و خویا دکەن، ژ دەمێ سەرهلدانا کورونایێ تا نها تیمێن پزیشکی د سەنگەریدانە کو هند ژ وان ب شەڤ و ڕۆژ ل سەر کارن، لێ جهێ حەیفێیە پشتی قەدەغەیا هاتن و چونێ و رێنمایێن توندێن وەزارەتا نافخۆ، تیمێن پزیشکی ژی مینا خەلکێ ئاسایی تێخنە بەر لێکولینێ،
لەوان ئەم وەکە نوژدارێن سلێمانیێ بانگا وەزارەتا نافخۆ دکەین ب زیترین دەم دەست ب لێکولینێ دگەل وان تاوانبارا بکەت یێن ئەو نوژدار راستی لێدانێ کری،
هەروەها ب زیترین دەم دەست ب هەلوەشاندنا وان بریارا بهێت کرن یێن بوینە ئاستەنگ بو تیمێن ساخلەمیێ،
ل داویێ ژی ئاشکەرا کریە ئەگەر گرنگی ب داخازیێن مە نەهێتە کرن پشتی ۲٤ دەمژمێرێن دی وەزارەتا نافخۆ دێ بەرپرسیاربیت ژ راوەستیانا هەر خزمەت گۆزاریەکا تەندروستی ل سلێمانیێ.
