رێڤه‌به‌رێ گشتیێ ساخله‌میا دهوكێ: وه‌سا باشتره‌ قه‌ده‌غه‌یا هاتن و چوونێ بهێته‌ زێده‌كرن

رێڤه‌به‌رێ گشتیێ ساخله‌میا دهۆكێ راگه‌هاند” ب بۆچوونا من باشتره‌ قه‌ده‌غه‌كرنا هاتن و چوونێ یا به‌رده‌وام درێژ ببیت “.

د.نزار عسمه‌ت رێڤه‌به‌رێ گشتیێ ساخله‌میا دهۆكێ ب ده‌نگێ ئه‌مریكا ڕاگه‌هاند: ب بۆچوونا من باشتره‌ هێشتا قه‌ده‌غه‌كرنا هاتن و چوونێ به‌رده‌وام بیت پشتی 04/10 چونكی هه‌ژمارا تووشبوویان ڕۆژ بۆ ڕۆژێ زێده‌تر دبیت.

ئاماژه‌ ب وێ یه‌كێ ژی كر: هێشتا ره‌وش نه‌كه‌تییه‌ بن كۆنترۆڵێ، ژبه‌ر ڤێ یه‌كێ ئه‌و ژڤانێ (04/10) هه‌ر دوو حه‌فتی دوو حه‌فتی یان 10 ڕۆژ 10 ڕۆژ بهێته‌ زێده‌كرن و درێژبكه‌ن بۆ وێ یه‌كێ دا بارگرانی لسه‌ر حكومه‌تێ و خه‌لكی ژی دروست نه‌بیت.

هه‌روه‌سا ناڤهاتی ئاماژه‌ ب وێ یه‌كێ ژی كر: دزانین خه‌لكێ مه‌ زوور بھێنفره‌هـ بووینه‌ ل مالێن خۆ لێ زوور پێدڤییه‌ چه‌ند هه‌ژمارا حاله‌تان زێده‌تر بن ئه‌و ژی هند زێده‌تر ئارام بن و كارێ مه‌ و حكومه‌تێ بۆ پاراستنا ئه‌وانه‌ ،مه‌ترسی ب پشتراستی یا مایی ژبه‌ر ڤێ یه‌كێ وه‌سا باشتره‌ قه‌ده‌غه‌یا هاتن و چوونێ ب وی شێوازێ مه‌ ئاماژه‌ پێدایی بهێته‌ درێژكرن.