وەزیرێ ساخلەمیا ئیرانێ د گۆتارەكێ دا لهەمبەر پارلەمانێ وەڵاتێ خۆ پێشبینی كر د 40 رۆژێن بهێت دا ئیران بسەر ڤایرۆسێ كۆرۆنادا سەربكەڤیت . گۆت ژی: وەڵاتێ وی د نهادا د قۆناغا ئیدارەدانا نەخوشیێ دایە نەك كۆنترڵكرنا وێ . وەزیرێ ساخلەمیا ئیرانێ ئاشكرا كر: ژ سەدێ 30 بۆ سەدێ 50 تەختێن نەخوشخانەیا ڤاڵانە ، و 15 هزار تەخت ژی بۆ قۆناغا چێـبوونا توشبوویێن كۆرۆنا هاتینە تەرخانكرن . وەزارەتا ساخلەمیا ئیرانێ هشیاری ژی دا كو چێدبیت ژبەر گەلەك هاتن و چوونا وەڵاتیان جارەكا دی بەلاڤبوونا كۆرۆنا ل تەهرانا پایتەخت بگەهیتە گوپیتكێ . هەتا نها ل ئیرانێ زێدەتری 62 هزار كەسان تووشی ڤایرۆسێ كۆرۆنا بووینە و 3 هزار و 740 كەسان ژی ب ڤایرۆسێ كۆرۆنا ژیانا خۆ ژدەست دانە.
