نێرین

ژنا سەرکردە


سه‌ردار هێتوتى
د جڤاكه‌كێ گرتى دا، ژن دوو جارا دهێته‌ ته‌په‌سه‌ركرن، جاره‌ك ژ لایێ مێر یان باب یان برا ڤه‌، جاره‌ك ژى ژ لایێ جڤاكى ڤه‌، ئه‌و ژى ده‌ما كو جڤاك ل ژێر باندوورا هزرا عه‌شیره‌تى و ئایینى دا بیت. ل كوردستانێ ژى كو جڤاك ب گشتى ل ژێر كاریگه‌ریا هه‌ر دوو ئه‌گه‌رێن ل سه‌ریه‌ ژنه‌ك زانا و داهینه‌ر و نڤیسه‌ر و رۆژنامه‌ڤان و سه‌ركرده‌ ب زه‌حمه‌ت ئاڤادبیت چونكى ده‌لیڤه‌ د كێمن و ئاسته‌نگ د زێده‌نه‌.
ل ڤى وه‌لاتى هه‌ر تشت كرێت بویه‌ لێ یا پتر هاتیه‌ كرێت كرن ژنه‌، دڤێت د مال دا بیت، و پشتى زه‌واجێ زاروكا بینیت و كارێ ناڤمالیێ واته‌ یێن به‌ر پێ ماى ئه‌نجام بده‌ت. دبیت گه‌له‌ك بپرسن: ئه‌رێ پا ئه‌ڤ رێژه‌ یا مه‌زن ژ فه‌رمانبه‌رێن ژن چنه‌ د ناڤا سازیێن حكومه‌تێ دا؟ ئه‌و ژى خۆدان مافن و یێ كار دكه‌ت، لێ یا راست ئه‌و به‌س له‌شێ وێیه‌! هێشتا رێك ب هه‌بینا وێ وه‌ك كه‌سه‌كا داهینه‌ر و به‌رپرس نه‌هاتیه‌ دان.
دا بچینه‌ د ناڤا راستیا بابه‌تێ خۆدا، ئه‌وا دخازم بێژن راسته‌ كو ژن گه‌له‌ك جاران ژ لایێ ئه‌گه‌رێن سه‌ریڤه‌ هاتیه‌ ته‌په‌سه‌ركرن و كرێت كرن و بێ ریمه‌تكرن، لێ یا جهێ دلنه‌خوشى و بێزاریێ ئه‌وه‌ ده‌ما كو ژن ژ لایێ ژنه‌كا دیتر ڤه‌ دهێته‌ كرێتكرن و كار بۆ تێكدانا وێ و چێكرنا ئاسته‌نگان ل هه‌مبه‌رى رێیا وێ دهێنه‌ دان، ئه‌وه‌ كو دبیته‌ جهێ لێپرسین و لێنێرینێ و ب راستى ژى ئه‌ڤ ژنه‌ (واته‌ یا تێكده‌ر) گه‌له‌ك ژ ئه‌گه‌رێن سه‌رى ب مه‌ترسیتره‌ و ئه‌وه‌ كو دبیته‌ ئه‌گه‌رێ ئینانه‌ سه‌ر دنیایا مێره‌كى كو ژنێ وه‌ك پله‌ دوو و به‌نده‌ دبینیت.
لێ په‌یاما من ژ بۆ ژنا سه‌ركرده‌ ئه‌وه‌، رابه‌ وه‌ك هه‌ر جار لسه‌ر پێیان به‌ و كار بكه‌ و نه‌راوه‌سته‌ و ئاسته‌نگان لێك بژكینه‌ و بۆ پێش هه‌ره‌ و جڤاكى ژ خه‌وا گران هشیار بكه‌.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close