بۆ ڕوی ب ڕوی بوونا بەلاڤبوونا ڤایرۆسێ كۆرۆنا، حكومەتا سووریا داخوازا هاریكاریێ ژ ڕوسیا دكەت.
د وی بیاڤیدا ریاز حەداد بالیۆزێ سوریا ل ڕوسیا، د داخویانیەكی دا ڕاگەهاند: حكومەتا سوریا بۆ ڕوی ب ڕوی بوونا ڤایرۆسێ كۆرۆنا ب فەرمی داخوازا هاریكاریێ ژ وەزارەتا ساخلەمیا ڕوسیا كریە، هەروەسا گۆت: حكومەتا سوری داخوازا هاریكاریێن نوژداری و ئامارێن ئەنجامدانا پشكنینان و پێدڤیێن نوژداری كریە.
ئەڤـە د دەمەكێ دایە لگۆری ئامارێن حكومەتا شامێ هەتا نها ل وی وەلاتی 19 حالەتێن ڤایرۆسێ كۆرۆنا هاتینە تۆماركرن ، ژ وێ هەژمارێ ژی 2 كەسان گیانێ خوە ژ دەست دانە و 4 كەسێن دن ژی چارەسەر بوونە.
