ڕووپەلەکا ئەمریکی پێشبینی دکەت، ئەڤ ڕەوشا نها یا کو ژبەر کۆرۆنایێ د جیهانێ دا دروستىووی، هەیا داوییا سالێ ڤەکێشیت.
ڕووپەلا بلومبێرگ د ڕاپۆرتەکا شرۆڤەکاری دا نیڤیسە، ڤایرۆسێ کۆرۆنایا نوو ئابورێ جیهانێ ژکارخستیە، ژبەر کو گەلەک چالاکیێن حکومەتێن ولاتان هاتنە ڕاگرتن و ئەڤە ژی گەفێ ژ ئابوریێ ولاتێن پێشکەفتی و هەژار ژی دکەت، مەترسییە ژی بۆ سەر ڕەوشا مرۆڤاتیێ ل چەندین ولاتان.
بلومبێرگ پێشبینی کریە، کریزا ئابوریا جیهانێ ژبەر ڤایرۆسێ کۆرۆنایێ هەیا سالا ٢٠٢١ ڤەکێشیت.
وێ ڕووپەلێ ئەمریکا ب میناک وەرگرتیە، کو د نها دا زۆرترین هەژمارا توشبوون ب ڤایرۆسێ کۆرۆنایێ تێدا هاتیە تۆمارکرن، بارگرانیەکا زێدە لسەر کەرتێ ساخلەمیێ دروستبوویە و د دەمەکێ کورت دا ب ملیۆنان کەسان ناڤێن خۆ ب بێکار نڤیسینە.
بەحسا وی یەکێ ژی کریە، ئەمریکا خودان مەزنترین ئابوریە د جیهانێ دا و د هەڤڕکیەکا مەزن دا دەربازدبیت، هەڤدەم ڕەوشا وەلاتێن هەژار ژی گرێدای چاوانیا سەرەدەریکرنێ یە دگەل ڤایرۆسێ کۆرۆنایێ و کۆنترۆلکرنا وێ، هەیا کو بکاربن ژیانێ ئاسایی بکەنەڤە.
ئەڤە ژی دەمەکێ دایە، ملیۆنەک و ٦٠٥ هزار کەس د جیهانێ دا توشی کۆرۆنایێ بوونە، ژ وێ هەژمارێ ژی ٩٥ هزار و ٧٦٢ کەسان ژیانا خۆ ژدەستدانە و نێزیکی ٣٥٧ هزار کەس ژی ژ نەخۆشیێ چێبووینەڤە.
