جفاكێ روژهەڵاتانافين زور جياوازه ژجفاكێ غەربی بەردەوام ب دارێ زورێ رازيبوينه بەردەوامی داينە ژياناخو بێك وهزر بكەن هەمی ياسا و دەسهەڵات و حكومەت و دەولەت بتنێ بو هندێ يه داكو ژيانا مروفی(مروف)وجفاكی خوشبيت و ئارام بژين عيراق ژی ئێكه ژوان جفاكا و تایبەت کوردستان .حوكمێ29سالييا كوردی ژبلی خەم و ئازارێت كير هيچ تشتەك پێشكێكی دوزا مللەتی كورد نەكريه،و نەشيانه كەسوكارين وان شەهيدان يێن كو درێژيا دەركەفتنا كوردا تانها بەردەوام لاو گەنجێت خو ژدەستداينه، حكومەتا هەرێما كوردستانێ هندە دێ چيته30حكومرانيا خومالیدا ، لێ ژ ئەگەرێ چاف برساتيا وان بو داهاتێ مللەتی گەندەليەكا زور دهێتەكرن ،سالانه رێژەكا زورا بودجا وەڵاتی دهێته بهەدەردان، دگەل فێ چەندێ ژی خەلكێ هەرێما كوردستانێ بەشەكه ژفێ گەندەليێ، زوربەيا مللەتی پشتەفانێت فان بەرپرسانه يێن كو روژانه گەندەليێ دكەن، بەشەكێ دیيێ مللەتی كو پێكدهێت ژ تەخا هەژار، دەمێ دبێژين هەژار،راماناوێ ئەو نينه بێ پارەنه يان بێخارنن، بەلکی هەژارێن عەقلی و (ھزرێ نە)هەژارێن تێنەگەهشتنێ نه، درێژيا فان سالا حوكمەكێ زور نەشەفاف و نەرێكخستی هاتيەكرن دەرحەقێ فی گەلیدا، تەخا هه ژار دبيژيت: ئەس نەشێم دژی حكومرانيا نوكەرابم دێ موچێ من برن و خێزانا دێ مينته برسی!! ئەف تەخه زور مەترسيداره پێتفی كودەتايەكا هزری يه(انقلاب عقل) ژبوكو وان هزرێن رەش دمەژیێ خودا چەسپاندين بهێنه پاقژكرن و هندەك هزرێن ئەرينێ(ئیجابی)بهێنە چەسپاندن، داكو مللەت دوباره ب ژيانێ شادبن، مەترسيا هەژارا زوره ژبەركو زور دهێنه خاپاندن، نانێ ئەفرو هەبيت نانێ سوبەهی نەگرنگه لدەف وی، دەسهەڵاتا كوردی زور فێ بكاردئينيت و بتەمامی سەردکەفن، حكومرانيا باش خەلك دهەلبژێريت حكومرانيا خراب ژی هەر خەلك راستەوخو هەلدبژێريت، پێتفيه ئێدی هندەك هزرێن راستين و ئازاديا تەمامی رادەستی فی مللەتی بهێتەكرن وخاپاندنا فی گەلی بدوماهيك بهێت، دفێت تەخێن، رەوشەنبير و چاڵاكفان روژنامەفان ياساناس رولەكێ گرنك هەبيت دفی بابەتی دا ژبوكو دوباره مللەتەكێ خودان هزارەها شەهيد ب ئازادی و خوشێ بژيت
