دەما ئەم باس ل ژنا کورد دکەین و ل دیرۆکێ دنێرین نێرینا دەلال دبینین کۆ ژن دنێڤ جڤاکا کوردی دا خوەدی ڕۆلەک ب ڕوومەت هەبوویە د هەمی ئالیێن جڤاکی و ژیانێ دا، ژن(خوەداوەند، جوتیار، دایک، سەرکردە) بوویە. ژ ئالیێ مالباتی خوەدی ڕێزەک تایبەت بوویە جودا ژ ژنێن جینارێن مە مینا (تورک و فارس وعەرەبان) ئەڤ بخوە ڤەدگەرە بۆ چاندەک کۆتەژی ژ جوانی، هەر ڕێویەک هاتبە کوردستانێ باس ل ئازادی و سەر بلندی و ئازایەتی و چەلەنگیا ڤان ژنا کریە یەک ژ وان ڕێویانکلاودیۆس جەیمس ڕیچ بوویە کۆ دڤێ گۆتارێدا ئەزێ بالا خوە کێشم سەر ل میرنشینا بابان دا گەلو کا ئەم بزانن ئەڤی ڕێوی چاواباس ل ژنا کورد کرییە کەتوار و ڕۆلا وێ چ بوویە جل و بەرگ و سەرەدەریا وێ چ بوویە.
گەلو پرس لڤر ئەوە جوداهیا وی دەمێ ژنا کورد چ بوویە و نها چییە و ئەم چاوا ڤان دوو دەمان ب نرخینن و چارەسەری چییە چاوا ژن جاردن بکەڤە قادان و سەروەریا وێ چ بوویە وچاوا دێ ڤەگەرە، ئەڤ پرس و چەندێ دن دێ باڵا خوە کێشم سەر.
ڕیچ ژ بەغدا بەرەڤ کەرکۆکێ دهێت و پاشان دچیتە میرنشینا بابان
ئەڤ گڕنک لڤر ئەوە ڕیچی دڤێ گەشتێ دا گەلەک باڵا خوە کێشا سەر ژنێ ئەڤ ژی دسەری دا جڤاکا مە د نرخینە، ل گوڕی خوە ڕیچ سەرسوڕمان بوویە ب ژنا کورد .
خانما وی د بیرئانینێن خوەدا دبێژە دەما هاتینە بابان د دایکا مەحمود پاشای ل بەغدا بۆ دچیتە بەغدایێ ژ ئەگەرێ گەنگەشێ دگەل والیێ بەغدایێ داود پاشای و ب سەرکەڤتی ڤەگەڕا سلێمانیێ ئەڤە بخوە ئەڤ بخوە بەلگەیەک مەزنە کو والیێ بەغدایێ گۆهداڕیا وێ کرییە و ب سەرکەڤتییانە ڤەگەڕای.
د ئێکەم ئاماژەیا خوەدا ڕیچ خۆیا دکەت ژنێن وان بێ خێلی نە، بێ منەت دگەل مێران دا بۆ جێبەجێکرنا کارۆبارێن ناڤ ماڵێ د چوونە بازاڕی.
دەما د گەشتا خوەدا بۆ سنە دچە ل هەلەبچە ڕیچی هوزەکا کورد دبینە خەلکێ چیایی نە بتایبەت خەلکێ جوانرۆ لێ گەلەک د دڕندە و پاشکەڤتی نە بەلێ د ڕاستی دا ژ هەموو کەسان ئازادترن، دنێڤ ڤێ هوزێ دا ژنێ دەستهەڵاتەکا باڵایا هەی،دەما ناکۆکی و شەرو ئالوزی چێ د بوون دنێڤ ڤێ هوزێ دا، ژنێن وان چاڕەسەریێ دکر و داوی بڤێ ئالۆزیێ دئینان.
ژنێن کورد د هوزا جاف دا خوەدی روڵ بوویە چاڤێ ڕیچی ب ژنەکێ دکەڤیت خۆیا دکەت دبیت ئەڤ ژنە خوەدی پلەیەک بلند بیت لسەر هەسپەکێ جوان بۆ و ب جوانی هات بۆ خەملاندن خوەیا دکەت مە چ ژن نەدیتن خوە بپۆشن خوە مینا وێ پۆشینێ ژی نەبوون ئەڤێن ژنێن عەرەبان خوە پێ د پۆشین.
خۆیایە ئەڤ رێویە هەر تشتەکێ باڵکێش هەبە ل دووڤ چوویە باس ل دیلانەکێ دکەت من گۆهـلێ بوو دیلانا بۆک و زاڤایەکی بۆ من ژی خواست ئەز ژی ئێک ژ بەژداربوویا بم و مەکارێ خوە کر و ب شەڤ ئەم چووینە دنێڤ داماڵەک بۆ هات بوو خەملاند و حەوشا بۆ ژ بووی دیلانێ هات بۆ ڕێکخستن یا سەرسوڕمان ڕیچ ب هەمان ئاوای چاڤێ وی ل سەر ڕۆلێ ژنێ بۆ وپەسنا ڤێ دیلانێ دکەت کۆ خویە ڕیچ دنێڤ تورک و عەرەب و فارس دا بوویە تایبەت ل بەغدایێ لێ مینا ژنا کورد پەسن نەکریە خۆیا دکەت مە دیت کۆمەکا ژنان هاتن ژ سیهـ ژنان پێک دهاتن و هاتنە مەیدانا دیلانێ دەستێن هەڤدوو ب ڕێک و پێکی گرت بوون و دەستدانە دیلانێ ئەڤان ژنان خێلی ل بەر نەبوون جلکێن وان ڕەنگا و ڕەنگ بوون و خوە بجاوانکاریا خەملاند بۆ میناک گۆستیل وبازنک و کۆلاڤ و هەم؟ زێر و زیڤ بوون و گەلەک ب دەلالی خوە خەملاند بوون د ڕاستی دادیمەنەک گەلەک ڕەنگین بووژ بووی من تشتەک گەلەک نۆ بۆ ژ بەر کۆ تانها دڕۆژهەلاتێ دا من نە دیتییە ب تایبەت خانم بڤی ئاوایی ئازادیێ تێکەلی مێران ببن ژنێن عەرەبان ژی مینا ڤان د مەیدانێ دا د ئازاد نینن ژ بەر کۆ وان خوە د پۆشین، و ژنێن کورد کورد گەلەک ژ دیلانێ ژی حەزدکن،
نەیا بێ هودەیە دەما دبێژم ژنا کورد ژ ژنێن کێمتر ژ ژنێن تورک و عەرەبان خوە د پۆشن گۆهێ خوە نادن پۆشینی خوە ل بەر چاڤێن بیانیا ژی دەما دچنە ژ دەرڤە ژی کێم دەرسوکەک شینێ ڤەبووی و تەنک ددانن سەرسەرێ خوە. لێ ژنێن چێنا هەژار خوە وان ژی لبەر خوە ناکن.
دەما ژنا وی دچیتە مێهڤانیێ ل ماڵەکێ خۆیا دکەت ژمارەیا ژنان دنێڤ ماڵ دا هندی ژماڕەیا مێران بۆ.
داویێ ڕیچ د ڤێ پڕتۆکێ دا خۆیای دکەت دڕاستی دا من مینا ژنێن کورد سەربلند وڕەوشت بلند نەدیتینە پلە و پایەیا وان ژ ژنێن تورک و فارس و عەرەب بلندترە مەبەستا من ئەوە کۆ مێرێن وان ب چاڤێ وەکهەڤی لێ دنێرن و تڕانان ل سەر ڤێ یەکێ ب تورکان دکەن و کەربێن وان ژی ژێ ڤەدبن، من نە دیتییە ژژنێن کورد سەروەرتر هەبن.
گەلو ل داویێ ئەرێ دڕاستیدا د نها دا ژنا کورد ڕاستی توندوو تیژیێ دبن و ڕاستی لێدان دبن مافێن وان مینا جاران نەماینە د ڕاستی دا مە چاندێ جینارێن خوە مینا تورک، فارس، عەرەبان وەرگرتییە، د ڕاستی دا ئولا ئیسلامی شیایە کاریگەریێ ل سەر مێران بکە. ئەڤ هەمی پڕسە دڤێت ئەم لێ بگەڕین.
