ئەڤەی ڤایروسا کۆرونا پەیدابووی، هندەک رێکخراوێن بناڤێ رێکخراوێن هەوارهاتنا بلەز یامرۆڤی و ڕۆژانە هاریکاریان لسەر هندەک خەلکێ کێم دەرامەت بەلاڤەدکەن، وێرای هندێ کۆ پێشکێشکرنا هاریکاریان بۆ کەس و خێزانێن کێم دەرامەت جهێ دەست خۆشیێ یە، لێ من دڤێت دوو تێبینیا ژی پێش چاڤبکەم.
ئێک ؛ ئەو رێکخراوێن نهۆ خۆدان شیان دەردکەڤن ، ژخۆ هەرئێک دزانیت مۆکلداریا وان رێکخراوا بۆ کەسێن دیارو بەلادەست دزڤرن ،ئەڤچا چ کەس یان کەسێن دیار ،یان حزبەکا دیار ل پشت بیت، هەڵبەت هیچ ڕێکخراوەکێ ژواناژی نەیا ئامادەیە ژێدەرێ دارایێ خۆ دیاربکەت وئەڤە گۆمانەکێ دروست دکەت ،کۆ ژێدەرێ داراییاوانا هەر حکۆمەتا هەرێمێ یە یا گەلەک بزەحمەت دشێت مەهانەیێن کارمەندا بدەت ، ژخۆ گریمان رێکخراوەکا دەوڵەتی یان دەوڵەتەک لپشت وان هاریکاریان بیت ، ئەڤە بێ شک من نەباوەرە ئەو رێکخراو یان ئەو دەوڵەت رازی ببن ،بێی ناڤێ وانا ئەو هاریکاری بێنەدان.
دوو؛ ئەگەر مەبەست ژ کارێ وان رێکخراوا پێشکێشکرنا خزمەتێ و دەستگرتنا خەلکێ کێم دەرامەتە،بتایبەت دڤێ قۆناغا گراندا، مانەباشتر بوو حکۆمەتا هەرێما کوردستانا رێکخراوەکامرۆڤی سەر سازیێن خۆ هەبا ، بناڤێ( هەیڤا سورا کوردی ) هەڵبەت ناڤ تنێ وەک نمۆنە و ئەو هاریکاریێن چ کەس نزانیت چەوا ددەتە وان رێکخراوێن مەئاماژە پێ داین، یان ئەو پارەیێ مەزنێ ڤان دوو هەیڤا دەوڵەمەندێن نشتیمانی پەخشین بو هاریکاریا،هەمی دسندوقاوێ رێکخراوێدا هاتبانە خرڤەکرن و،ب پلان وبەرنامەیەکێ مروڤی – نشتیمانی هاتبانە دابەشکرن وئاماڕ ژبۆ هاتبانە رێکخستن، باشتر نەبوو ،ژوان هاریکاریێن نهۆ تێنە دابەشکرن کۆ دڤی کارێ مرۆڤیداژی بێنا تەحزبکرنێ یاژێ دفریت، هەم باوەریا وانا تێخیتە جهێ گۆمانێ و هەم ژی مخابن هندەک جارا بهایێن مرۆڤی ژی تێنە پێشێلکرن و کێم دەرامەت تێنە بکارئینان بۆ ریکلامەکا سیاسی.
