كوردستانینووچه‌

حزبا دیموکراتا ئیرانێ دەربارەى بدارڤەکرنا مستەفا سەلیمی زەلالکرنەک دا

حزبا ديموكراتا كوردستانا ئیرانێ راگەهاند، مستەفا سەلیمی چ پەیوەندیێن رێکخراوەى ب حزبا وان ڤە نەبوویە و بدارڤەکرنا وی ژى ژ ئالیێ کومارا ئیسلامی یا ئیرانێ ڤە شەرمەزار دکەین.

ئەڤرۆ شەمبیێ ١١ێ نیسانا ٢٠٢٠ێ حزبا دیموکراتا ئیرانێ د راگەهاندنەکێ دا راگەهاند، “پشتى بدارڤەکرنا یەک ژ زیندانیێن رەڤیایی ل زیندانا سەقز، بناڤێ “مستەفا سەلیمی”، هەژمارەکا راگەهاندنان، هەریەک لدیف لێکدانێن خۆ داخویانیێن هەڤالێن مە و راگەهاندنا حزبی ئێخستیە بەربەحس، ژبەر وێ یەکێ و بۆ ئاگەهداریا رایا گشتى ب ناڤێ حزبا دیموکراتا کوردستانا ئیرانێ رادگەهینین  کو مستەفا سەلیمی چ پەیوەندیەکا رێکخراوەى ب حزبا وان ڤە نەبوویە”.

دیار ژى کر، “نها حکومەتا هەرێما کوردستانێ بۆ زەلالکرنا چاوانیا بابەتى لیژنەیەکا تایبەت پێکئینایە، پێنگاڤێن وان بنەجهـ دزانین و هیڤیدارین ئەنجامێن وێ ڤەکولینێ راستیا بوویەرێ دەربێخیت”.

ئەڤە ژى د دەمەکێ دایە کو مستەفا سەلیمی یەکە ژ وان زیندانیانە یێن ژ زیندانا سەقز رەڤیایی، پشتى هاتیە دەستەسەرکرن، ئەڤرۆ هاتە بدارڤەکرن.

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close