دەمێ سەرهلدانا گەلان ل سوریا دایە دەستپێکرن ل بهارا سالا 2011 ێ، دناڤا وێدا کوردێن روژ ئاڤایێ وەلات ب هێز دەست ب لڤین و خۆە رێکخستنێ کر، گەهشتێە وی ئاستی پێتڤی بوو کورد هێزا خوپاراستنێ ب دامەزرینن، دەم لدەست هێزێن پاراستنا گەل YPG ب پشتەڤانیا پارتا پەیەدێ هاتە دامەزراندن، پارتا دیموقراتا کوردستانا سوریا ل وی دەمی تنێ ب رێیا رێپیڤانێن مەدەنی ل سەر جادەیان بوون د ئاستێ پروژەیاندا بوو روژئاڤا د بێ بەرنامە بوون، تێکەلی و پشتەڤانیا وان ب ئوپزسیونا سوریێ را ب پشتەڤانیا تورکیا د ئاستێ هەری بلندا بوو، هەر وی دەمی ئوپزسیۆنا سوریا راگەهاند هەر دەما ئەسەد کەت کوردان چ مافەکێ خوە نینە دناڤا حکومەتێ دا.
پشتی بێ هیڤی بونا پارتا دیموقراتا کوردستانێ ل سوریا دگەل ئوپزسیونێ، هەولدانێن وێ چەندێ کرن کو دناڤا هێزا YPG ێ دا هێزەکا دی یا لەشکەری ب ناڤەکێ دی چێکەت، لێ ئەو چەندە ژ لایێ PYD هاتە رەدکرن کو دوو هێز ل روژ ئاڤایێ کوردستانێ هەبن، دەولەتا تورکیا ژی وی دەمی هیچ مافەکێ تەدەخولێ نەبوو بکەڤیتە ناڤ ئاخا سوریێ، ژ بلی وێ چەندێ چاڤدێری و پشتەڤانیا گروپا بکەت دژی YPG ێ و بەشار ئەسەدی، ل وی دەمی ناکوکیێن کوردان ل روژ ئاڤا گەهشتن گوپیتکێ تایبەت پشتی رولێ خرابێ پارتی دیموقراتی کوردستان سوریێ، ب سەرپەرشتی و بریارێن پارتی دیموقراتی کوردستان باشور و حکومەتا تورکیا ئانکو پارتی دەست ژ ئوپزسیون بونا بەشار بەردا و دژی پەیەدێ بو ئوپزسیون گەهشتە وی ئاستی بارەگایێن وێ بهێن دایێخستن، PDKS د پشترا بارەگایێن خوە ل هەولێر و دهوکێ دانە ڤەکرن، حکومەتا تورکیا و پارتی هزر ل چێکرنا بەرەیەکێ ب هێزتر کر ئەنجومەنێ نیشتیمانی کوردستان سوریا ENKS کو ژ چەندین پارتا پێك دهات دژی روژ ئافایێ کوردستانێ دا کارا کرن، ب هەمی شیانا ئەڤێ چەندێ ژی هیج مفایێ خوە نەبۆ، روژ ب روژ هێزا کوردا ل روژئاڤایێ کوردستانێ بەرەڤ پێشڤەچونێ د چوو، ئێدی تورکیا و ENKS و PDK هزر ل دامەزراندنا هێزەکا لەشکەری کر، سالا 2011 بو 2012 دەست ب ناڤ نڤێسینێ هاتە کرن دناڤا کەمپێن ئاواراندا ب رێیا ENKS ێ ژ بلی ئالیگرێن پارتی بو کەسێ دی نینە ناڤێ خوە بنڤێسیت، پشتی رێژا پێتڤی هاتیە تومارکرن ژ ئالیێ پارتی دیموقراتی کوردستان ناڤ لێهاتە کرن هێزا روژ، راستەوخو گرێدای فەرماندا پێشمەرگێن زێرەڤانیێ کر ب سەرپەرشتیا عەزیز وەیسی، بارەگایێ سەرەکی یێ مەشق و راهێنانێن ڤێ هێزێ(دهوك ،خەنس)، هژمارا وان 7 هزار و 500 کەسن ژ ژن و مێران، هژمارا ژنا 500 کەسە پلەدارێن بلند و بریار دەرێن ڤێ هێزێ یێن باشورێ کوردستانێ نە، یێن کو بریار دووەم دەستیدا ئەو کەسن یێش ناڤ هێزێن PKK ڤەقەتیاین،هێزا روژ ب چاڤدێری و سەرپەرشتیا MIT و لەشکەرێ تورکیا هاتنە پەروەردەکرن، هەوالگێریا ڤێ هێزێ ژی ژ لایێ MIT، تورکیا هاتنە پەروەردە کرن.
پشتی هێزێن لەشکەری و سیخوریێن تورکیا کارێ خوە دگەل ڤێ هێزێ ب دوماهیک ئینای، ئاهەنگا ب دوماهیک هاتنا مەشق و راهێنانا ڤێ هێزێ ب ئامادەبونا سەروك وەزیرێ وی دەمیێ تورکیا ئەحمەد داود ئۆغلۆ هاتە ب رێڤە برن ل سەربازگەها تایبەتا وان ل خەنس تەڤایا پێداویستیێن وان یێن سەربازی دگەل موچەیێن وان ژ داهاتێ حکومەتا هەرێمێ نە، تێچویێ هەیڤانە یێ ڤێ هێزێ زێدەی 3 ملیار دینارێن عیراقینە، کێمترین موچە دناڤ ڤێ هێزێدا 400 هزار دینارن،تێچویێ 8 سالان بۆ ڤێ هێزێ زێدەیا 280 ملیار دینارایە ل سەر کیستێ حکومەتا هەرێمێ ب بریارا تورکیا و پارتی ئەڤ هێزە بو سنورێن روژ ئاڤایێ کوردستانێ و باشور هاتنە بنەجھکرن.
ژ دەمێ دامەزراندنا ڤێ هێزێ دوو جاران خاستیە ب شەر بکەڤنە روژ ئاڤایێ کوردستانێ ،تایبەت د وان دەماندا دەمێ روژ ئاڤایێ کوردستانێ د بن رەوشا هەری خرابدا دگەل داعش و گروپێن ب سەر تورکیا و حکومەتا سوریێ، جارا دووەم ل خانەسورا شنگالێ دگەل هێزێن YPŞ کەتن شەری د ئەنجامێدا شەرێ خوە کوژیێ سەرهلدا،ل گوری زانیاریان ل وی دەمی بریار دەستێن میتێ لڤاندن دا بو کرن ب هێزا روژ …..
