نێرین

وەلات پەروەری و کوردینی نە ب دروشمێن بێ رامانە

وەلات ئەو وارگەهە ، ئەوێ هەمی تەخ و چینا دناڤ خوەدا هەمبێز دکەت ، بێ جیاوازیا نەتەوەی ، رەگەزی ، ئاینی ، ئایدلوژی….هتد ، ل ڤی دەمی هشیاریا گەهاندنا دروشما گرنگە ، پێویستە ئەو دروشم ل گەل تەڤ رەفتار و رەزامەددیێن جڤاکی ب گونجن ، ئەگەر هات و تایرەکا سەیارێ پەنجەر بیت یان پەرەکێ ئەلهوی شکەستی بیت ل وی دەمی هەر تشت دێ سەرو بن بیت ، چ تشتەک وەک وەخا نامینیت.
ب ئاوایەکێ دی بێژین ، دروشمێن بێ کریار ، وەک وێ سەفینێ یە ئەوا بێ کاپن ، یان وەک وی پەزیە ئەوێ بێ شڤان ، دروشمێن نەتەوەی نە تشتەک هند ئاسایە ، بەلکو باجێن خوە یێن گران هەنە ، نەوەک رێ نڤیسا پێنوسێ رساسی یە هەردەما مروڤی شاش نڤێسی ، دێ ب ژێبەری ژێبەت و جارەکا دی نڤێسیت ، نەخێر ، وەسا نینە ، بەلکو وەک وێ یە دەما دبێژن برینێن خەنجەرا چاک دبن ، بەس یێن خەبەرا چاک بین بو نینە! لێ دەما مروڤ بێ خاندن دروشما د ئازرینیت ، ل وی دەمی دکەڤیت تەلهێن گران ، ژێ دەرکەتن ژی مەحال دبیت.
دروشمێن کوردینیا مە ، بتنێ دەرکەتن بالونێن تژی هەوا ، هەر دەما هستریەک یان دەرزیەک ڤێکەت دێ مینیت بتنێ پیچکەکا لاستیکا بێ شول.
تەماشە بکەن پشتی ٢٠٠٣ ێ دەما رژێما گور بە گور روخیای ، دەرفەتەک بو مە وەک کورد هاتە پێش ، کو ب وێ دەرفەتێ بشێین خەونێن دەهان سالان بدەست بێخین و کوردێن هەسرەتا وان هەمبێزکرنا کوردستانەکا دایک پێ شاد ب بن ، ب وژدان یا ژ وان هاتی ل دویف شیانێن خوە کەتن خزمەتکرنا دروشمێن کوردینیا خوە ، ژ بو وان دروشمێن کوردینیێ ئامادە بین ب جان و مال خزمەتا وان دروشما بکەن .
کوردستانا دایک چەوا هەمبێزا وان لاوێن خوەکر ؟ دیارە ب سەرێ جەلی ڤە ، هەر ئێکی بو لایێ خوە د کێشا وەکی وێ نێچیرا دکەڤیت ناڤ دەڤێ گیانەورێن دروندە ، یێن هیلاکا برسێ ژێ دچیت ، لێ وانا هەر گوت ما دەم دروشم کوردینی یە ، هەر تشت قوربانی وێ بیت.
بێژین فەرمانبەرێن کەرکوک ، شنگال….هتد هاتن ئازادکرن ژ بو بژاردنا خوە ، دێ بن فەرمانبەر ب سەر حکومەتا فەدرال ڤە یان هەرێمێ ڤە! ژبەر وان دروشمێن کوردینیێ وان هەرێم هەلبژارد ، پشتی ٢٠١٤ێ دروشمێن بێ خاندن ئەو ئێخست دناڤ شوکەکا مەزن دا ، وەرە باب ب سەر ناڤەدێ ڤەبیت هەمی هەیڤا ، هەیڤانێن خوە وەرگریت و کورێ وی ئەوێ باوەری ب دروشما ئینای هەر شێست روژا جارەکێ نیڤ موچەی یان چارێک موچەی یان بێژین ڤێ دیماهیێ هەیڤا چار بەرەف داویێ دچیت و هێشتا یێ هەیڤا ئێک نە وەرگرتی ، هەروەسا هەمی هەیڤێن خوە یێن کرێداریێ ب ئاڤ و کارەب و هەر تشتەکێ دی بڤێت نەڤێت دڤێت بدەت ، یەک هەیڤ پارێ موەلیدێ ب سەرڤە بچیت ، ئەگەر نەدەت دێ کارەب لێ ئێتە برین…هتد. کا ب وژدان خودانێ دروشما هەرە دناڤ ناخێ ویدا ، کا چ بورکانەکا مەست ل خوە ڤەحەواندی یە!
ئەرێ گەلو ئەڤە چ توڤ دروشمێن بێ رامانن ؟ ئەرێ دێ چەوا ئەڤ خەلکە ب ڤی ئاوای پێشوازیا کوردینیا مە کەت ؟ ئەرێ هوین دزانن ئەڤە خوێ د خوەن و ئاڤێ ب دویفدا ناکەن؟

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close