ژێدەرەکێ ژ وەزارەتا داراییا حکومەتا هەرێمێ ڕاگەهاند، ڤێ مەهێ ژبەر داکەفتنا بهایێ نەفتێ چ کۆژمەکێ پارەی هەتا ڤی دەمی نەگەهشتیە وەزارەتا دارایی یا هەرێمێ،ئەوا ژ فرۆتنا نەفتا هەرێمێ ژی دستکەفتی،تنێ قەڕێن کۆمپانیێن نەفتێ پێ هاتیە دان.
هەروەها ئاشکەرا کر، هەتا نها حکومەتا هەرێمێ چاڤەڕێی شاندنا پارەینە ل بەغدا و هەتا نها ژی دەما شاندنێ ژ ئالیێ عێراقێ ڤە دیار نینە و ئەگەر پارە بگەهیت دەستێ وان دێ دەست ب پارڤەکرنێ کەن.
پێشتر حکومەتا هەرێمێ ژ پارەیێ فرۆتنا نەفتێ ب ئاوایێ سەربەخۆ مەهانە ٣١٧ ملیار دینار ژ وەزارەتا سامانێن سروشتی وەردگرت و مووچەیێ پێنج وەزارەتان پێ پارڤەدکر، لێ وەزارەتا داریی دبێژیت، ڤێ مەهێ چ کۆژمەکێ پارەی ژ وێ وەزارەتێ نەگەهشتیە دەستێ وان ئانکو دەمێ دابەشکرنا موچەی یێ ئاشکەرا نینە
