ل نێزیک دەمژمێر ۱۱ێ بەریا نیڤرۆیا ئەڤرۆ بالەفرێن شەرکەرێن تورکیا دوو جاران سنورێ ناحیەیا چەمانکێ یا گرێدای قەزا ئامێدیێ بۆمبەبارانکر.
، بۆمبەباران د ناڤبەرا گوندێ بێرکیات و شکەفتێ دا ل سنورێ ناحیەیا چەمانکێ بوویە، هەیا نها ناهێتە زانین زەرەر چبووینە .
ئەڤە ژی دەمەکێ دایە، کو د نها دا هەژمارەکا زۆرا وەلاتیان بۆ ئینانا گیایێ بهارێ و سەخبێرکرنا ڕەزێن خۆ قەستا دەڤەرێن چیایێ دکەن، مەترسی لسەر ژیانا وان دروست دبیت.
ب هێجەتا هەبوونا پێگەهـ و بارەگەهێن پەکەکێ هەیا دهێت هێرش و بۆمبەبارانێن دەولەتا تورکیا بۆ سەر دەڤەرێن سنوریێن هەرێما کوردستانێ و ب تایبەت پارێزگەها دهۆکێ زێدەتر دبن، کو ژ ئەنجاما وان هێرشان ژبلی زەرەرێن ماددی، هەیا نها چەندین وەلاتی ژی ل سنورێ قەزا ئامێدی، ئاکرێ و زاخۆ شەهید و برینداربوونە
