د راگەهاندنا پارتی دیموقراتی کوردستاندا هاتیە
روژا ئەینیێ 17ی4ی2020 ، کە جە کە د بەینامەکێدا ل سەر بابەتێ زینی وەرتێ، کومامەکا توهمەتێن بێ بنەما داینە پال پارتا دیموقراتی کوردستان،ب ڤێ چەندێ ئەم ب توندی ڤان تومەتێن بێ بنەما رەت دکەین و جەختێ ل وێ چەندێ دکەین، ئەو هێزێن ل زینی وەرتێ هاتینە ب جی کرن هێزێن حکومەتا هەرێما کوردستانێ نە ب سەر وەزارەتا پێشمەرگەی ڤە،د چارچوڤەیێ وان رێیێن حکومەتا هەرێمێ خستینە بەر ژبوی رێگریا ڤایروسێ، کۆرۆنایێ،وەزیرێ پێشمەرگەی بریارا لڤاندنا وێ هێزێ دایە ل وێ دەڤەرێ ب جی ببن و هیچ گرێدانەک ب هێزێن پارتی ڤە نینە، بەلکو ئەرکێ پێشمەرگێ کوردستانێ، پارستنا بەرژەوەندا گەلێ کوردستانێ یە،
پارتی دیموقراتی کوردستان هەمی گاڤەکێ ب چاڤێن رێزڤە تەماشەیا خەباتا هەموو حزب و رێکخراوێن دی یێ کوردی کریە و پشتەڤانی داخازیێن سیاسی مەدەنی یێن گەلێ کورد بویە، جهێ سەر سورمانێ یە پەکەکە وی مافی بخوە ب دەت هەر جهێ وێ دڤێت و دخازیت و پێخوش بیت هێزێن خوە ب هنێریت و دەست ژ کاروبارێن نافخۆ یێن هەرێما کوردستانێ وەرددەت، لێ بو وێ ئاسایی نەبیت کو حکومەتا هەرێما کوردستانێ مومارسەیا دەستهەلاتا خۆ ل سەر ئاخا خۆ بکەت.
مخابن ئەو رەفتارێن پەکەکە د نها و سالێن بوریدا ل دژی هەرێما کوردستانێ ئەنجام داین، رەفتارێن سەرەرۆیانە و شەرفروشانەبون و هیچ رێزەک ل دامودەزگا و سەروەری و ئاسایشا و ئاسودەیا ژیانا هەولاتیێن هەرێمێ نە گرتە بەر،ب ئەگەرا رەفتارێن پەکەکێ ب سەدان گوندێن کوردسەانێ نەهاتنە ئاڤەدانکرن و رێک ل ژیانا هزاران هەولاتیا گرتیە ب ئەگەرا پەکەکێ خەلکێ هەرێما کوردستانێ باجازور مەزنا مادی و مروڤی دایە،
ئەڤا تا نها ژی ژ پەکەکێ هاتیە قەبیل کرن چاڤ گرتنا پارتی بویە ژ زێدەگاڤیێن پەکەکێ ، حەقە سەرێن پەکەکێ تەقدیرا هەلویستێ هەرێما کوردستانێ کربایە، لەیەنێ کێم رێز ل دامودەزگەهێن هەرێمێ و هەولاتیێن هەرێمێ گرتبا کو ب سالایە تەحەمولا پەکەکێ کریە.
کێشەیا پەکەکێ دگەل تورکیایە و باشترە ژی ژ شەرفروشیێ و دروستکرنا سەر ئێشیێ و گرفتێن زێدەتر بو هەرێمێ بلا بچن کێشەیا خوە دگەل تورکیا چارەسەر بکەن و گورەپانا شەرێ وان ل تورکیایە نە ل هەرێما کوردستانێ.
