ئەلمانیایێ کونترۆلکرنا کۆرۆنایێ راگەهاند، هەژمارا چێبوویان ژ کۆرۆنایێ ژ هەژمارا توشبوویان زێدەترە.
مالپەرێ دۆیجە ڤێلتە یێ ئەلمانی نڤیسیە، جێنس سپان وەزیرێ ساخلەمیا ئەلمانیا راگەهاند، “ڤایرۆسێ کۆرۆنا ل ولاتێ وى هاتیە کونترۆلکرن، دەما حەفتیەکێ یە هەژمارا چێبوویان ژ ڤایرۆسێ کۆرۆنایێ ژ هەژمارا توشبوویان زێدەترە.
سپان دازانین ژى، “هەیا نها کۆرۆنا نەبوویە بارگرانیەکا زێدە گران بۆ کەرتێ ساخلەمیا ئەلمانیا”.
هەڤدەم ئەنگێلا مێرکل راوێشکارا ئەلمانیا دیار ژى کر، ولات دێ پێنگاڤەکا بچووک هاڤێت بەرەڤ هەلگرتنا رێکارێن ساخلەمیێ، ل ٤ێ گۆلانا داهاتی خواندنگەهـ و دوکان و مارکێت دێ هێنە ڤەکرن.
ئەلمانیا پێنجەم ولاتێ جیهانێ یە کو زوورترین توشبوو تومارکرین ب ڤایرۆسێ کۆرۆنایێ، کو گەهشتیە ١٣٨ هزار و ١٣٥ کەسان، هەیا نها ٨١ هزار و ٨٠٠ کەس چێبووینە، هەڤدەم ٥٢ هزار و ٢٣٢ کەس دبن چاڤدێریا نوژداران دانە.
