نێرین

ئایا ئەڤە خەمخورن ؟ یان سەڕ خوڕن؟

          پەیبەڕێ ئەڕتیسی 

براستی ژی دڤێ ئەزمونا پڕ ئەزمون یا پاڕت و ڵایەنێن باشوڕ ب دەستهەڵاتداڕیا خوڤە ومودێڵا حکمڕانیا خوە دگەل چڤاکی قوناخ ب قوناخ پەند و عبڕەتن و هەڕ ژ نوتو دووێ و تا ئیڕو د هەڕپێنگاڤەکێ و بیاڤەکێ و ڕەهەندەکێ دا خوە بو گەڵێ خوە دا نیاسین و خوە ئیسبات کڕ کا چ قوماشن و ئەڤ قوماش ژبوی چ هاتینە چێکڕن و ژباڵ کێڤە هاتنە بەڕهەم ئانین ، ژ نوت و ئێکێ دەما کو کاڕێکتەڕێن ڤا پاڕتا وڵایەنا ژ کوڵانێن خەڵکی بزکێ برسی و بەژنو باڵا رویس و پێن پێخاس ئێکەم پێنگاف هاڤێتیە ناڤ ڤێ خاکێ وەکی جەنگێز خان و تەیموڕڵەنگ هەڕ چ هەیە ژناڤ بڕ و تاڵان کڕ بتایبەت د دەمەکێ دا کو ئێدی پێتڤیە کوڕدستان بهێتە ئاڤاکڕن و ڕێ و بان و پڕ وگوند وشاڕ پێتڤی ب ئاڵاڤێن کاڕی بون کو شوفەڕ و دوزەڕ و گڕێدەڕ و دەزگاو کاڕگەها زوڕ پێتڤی بون کەتبان دخزمەت ڤی گەڵی و ڤی نیشتمانی لێ مخابن د ئێکەم پێنگاڤا خوە دا بو خەڵکی دیاڕ کڕ کو چ سمایێن سەڕکڕدە و شوڕەشگیڕیا لنگ ڤا نینن و د ئەساس دا نەبون ژبەڕ ڤێ هەڕ د دانانا ئێکەم پێنگاڤ دا ب تاڵانکڕنا ڤان ئاڵاڤا (بەڕێ بناخەی دانا) وە گەندەڵی ب یاسا و سیستەم کڕ و گەندەڵ ل دوڕ خوە کومکڕن
و بوخەڵکی دادیاڕ کڕن کو هەڕ چ هەبونا دناڤا ڤی نیشتیمانی دا ب (خاک وخەلک )ڤە ملکێ مەیە پشتی کو ئەڤ ئاڵاڤ و ئامیڕە نەمای دەست بو زەڤی و ئەمڵاکێت فەقیڕو چوتیاڕا بڕن و ژێ ستاندن ب بهانێن جودا تا گەهایە وی ڕادەی شەڕێ بڕا کوژیێ ل پەی خوە ئانی و خاک و خەڵک و داهات هەمی ل سەڕ خوە پاڕڤە کڕ و و دوو ئیاڕەیی پێش کێشی ئایندێ ڤێ مڵڵەتی کڕ ، بهزاڕان کوڕێن خەڵکی دان کوشتن ۆ ب هزاڕان زاڕوک پاش باب ژدایک بون و تانوکە ژی ئەو زاڕو مەزن بوینە و ل چاڤەڕێ جاڕەنڤیسێ بابێ خوە نە و دهەمی قوناغێن دەستهەڵاتداڕی و پێکئینانا حکومەتێ و پڕلەمان پڕوتوکولێن ستڕاتیژی یێن نافخو دەڕڤە هەمی 100% کڕن بەڕژەوەندیا خودێ خوە و حزب و دیڤەڵانکێن خوە و دوژمنێن ڤی مڵەتی دا ، ئەڤ وەڵاتە وەکی زەڤیەکێ و خەڵکێ وێ وەکێ کوڵان ژبوی خوە بکاڕ ئینان ، گەڵێ خوەپێڵاواز کڕ و دوژمنێن گەڵێ خوە پێ قەڵەو کڕن دەستێ بڕاینیێ و پێکڤە ژیانێ و فڕە لایەنیێ بڕی و دەستێن خوە کڕن دناف دەستێن دوژمنێ خوە دا قوناغ ب قوناغ ژی هەڕ د بەڕدەوام بون ل سەڕ کوڕد کوژی و خاک فروشیێ تابەڕی ڕوژەکێ ژی ئەڤ ڕەوشە بەڕدەوامە و خەڕیکە چاڕەکا دی شەڕەکێ خویناوی وخو کوژیێ دەڕگەهێن هەمی ماڵەکێ بقوتیت !
ئەڤە گەڵەکا ڕونە ل بەڕچاڤێن خەڵکێ باشوڕێ و تا زاڕوکێ ساڤا ژی هەست ب ڤێ مژاڕێ دکەت و ئەڤ بابەتە بویە بەنیشتێ سەر زمانێ هەمی تاکەکێ ڤی وەڵاتی ، لێ یاسەیڕ ئەوە پڕانیا ڤی خەڵکێ ب دەستێ خوە خولیێ دکەنەچاڤێ خوە و ب حاشاتیێ و جاشاتیێ ڤە دمژویلن و دخوازن تیشکێن ڕۆژێ ب موخڵکێ بگڕن ژبوی بەڕژەوەندی و بن دیواڕیێ ئامادەیە بەڕژەوەندا پیڕوز و؟مەزن دگەڵ یا بجویک بگوڕێت ، د وێ باوەڕێ دایە کو ئەو موچە ڕحمەکە ژڵایێ وان بانداڤە پێ دهێتە بەخشین، هەست ناکەت کو مافێ هەڕە مەزنێ یێن دڤی وەڵاتی دا هەیێ ویی لێ دهێنە خاڕن ، ب ڤێ شوپێ کاڵ فام و دان ئەمڕێن مە کڕن بن دیواڕ و دەڤێ وا ب موجەکێ گڕێدا ل لایێ دی وی موچەی یێ ژ کوڕ و کجێن وا وەڕدگڕن ب ڕیا زانکویێن خوە یێن حزبی و کەسوکی و جیلێ نوژی کڕنە ڕبوت و هەمی ئاڕمانج و بسپوڕین وان د سەڕێ وا داکوشتن و هەڕ ئێکێ موبایلەک کڕن دناڤادەستا دا و ب پوپچی و ئیباحێ ڤە مژیل کڕن و ئەو زانیاڕێن کو ب دەستخستنە ژی هە می ژ دەستدان ، ب ڤێ ڕەفتاڕێ جیلێ کەڤن ب موجەکێ مەی هوش کڕن !! جیلێ ناڤنجی ب هەزەتا دانا موجا دیسان سەڕگڕدان کڕن!! و جیلێ نوی ژی ب خەونێن دامەزڕاندنێ د خەوەکا کویڕدا هشتن و نڤاندن!! ، هەمی تشتەک بو خەڵکی کڕە نگبەت و ژبوی خوە ژی کڕە نعمەت و ماڵا خەڵکی خڕاب کڕ و یا خوە دەهقات ئاڤاکڕ!
ژبەڕ ڤێ پێتڤیە خڵک هەڕ چ نەبیت ڤانا بنیاسێت و بزانن ئەگەڕ بناغە خاڕ هاتە دانان هەتا ڤینوسێ دێ هەڕ خاڕ چیت !!
ژبەڕڤێ پشت ڕاست بن ئەڤ کەسو لایەنە خو د ئەڤڕو ژی دا یێ مفای ژهەمی پیشهات و ڕودان و بابەتان دبینن بابەتەکێ وەکی ڤێ بەژیا کوڕونای ژی یێ مەزنتڕین بازڕگانی و گەندەلی پێ دکەن . و یێ مە دناڤا زیندان و دیواڕا دا گوشە گیڕ دکەن بێ هیچ پێویستەک ، بویە پشت ڕاست بن ئەفە سەڕخوڕن و نە خەمخوڕن!! .

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close