كوردستانینووچه‌

دهۆک.. د دوو بوویەرێن هاتنوچوونێ دا کەسەکی ژیانا خۆ ژدەستدا و چارێن دی ژی برینداربوون

هاتن و چوونا دهۆکێ بەلاڤکر، د بوویەرێن هاتن و چوونێ دا ل ناحیەیا مانگێشکێ و قەزا شێخان کەسەکێ ژیانا خۆ ژدەستدا و چار کەسێن دی ژی برینداربوون.

ئازاد تاها پەیڤدارێ هاتن و چوونا دهۆکێ ڕاگەهاند، ئەڤرۆ شەمبیێ ١٨ێ نیسانا ٢٠٢٠ێ لسەر ڕێیا سەرەکیا ناحیەیا مانگێشکێ بۆ کومەلگەها کورا ل نێزیک گوندێ حوجاڤا سێ تڕۆمبێلان لێکدایە و ب وێ سەدەمێ ژی کەسەکی ژیانا خۆ ژدەستدایە و دوو کەسێن دی ژی برینداربوونە.

دیارکریە ژی، هەر ئەڤرۆ لسەر ڕێیا سەرەکیا د ناڤبەرا کۆمەلگەها چڕە بۆ قەزا شێخان ل نێزیک کومەلگەها مەهەت بوویەرەکا هاتن و چوونێ ژ جۆرێ لێکدان د ناڤبەرا دوو تڕۆمبێلێن بارهەلگر دا ڕوودایە و ب وێ سەدەمێ ژی دوو کەس برینداربوونە.

ئەو یەک ژی دایەزانین، تڕۆمبێل ژ جۆرێن تویوتا پیکاب و پیکاب گرایوێل بوونە، زەرەرێن زۆرێن مادی پێکەفتنە.

ئەڤە ژی دەمەکێ دایە، کو ژبۆ ڕێگریکرن ژ بەلاڤبوونا کۆرۆنایێ زێدەتری مەهەکێیە قەدەغەیا هاتن و چوونێ هاتیە ڕاگەهاند.

بوویەرێن هاتن و چوونێ ب یەکەم سەدەما جان ژ دەستدانێ د هەرێما کوردستانێ دا دهێتە دانان و لگۆری ئامارێن هاتن و چوونا هەرێمێ، د سالا ٢٠١٩ێ دا ٤ هزار و ٤٧٩ بوویەرێن هاتن و چوونێ ل هەرێمێ ڕوودانە، ب وێ سەدەمێ ژی ٥٧٥ کەسان ژیانا خۆ ژ دەستدانە

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close