بدەهان ساڵە هیچ كچەك ل گوندێ هاریانا یێ باكورێ هندستانێ ژدایك نەبوویە، و بگوندێ زەلامان دهێتە نیاسین.
ل گورەی ڕاپۆرتەكا ڕۆژناما تێلیگرام، ل گوندێ هاریانا ئەگەر ژنەكا دوو گیان بزانیت، كو زارۆكا وێ كچە، ناهێلیت بهێتە سەر دونیایێ، و و ئەگەر كەسەك بخوازیت ژنەكێ بینیت، پێدڤییە بچیتە هندەك گوند و دەڤەرێن دی و بخۆ ل خانمەكێ بگەریت دا ببیتە هەڤژینا وی
هندستان ئێكە ژوان وەڵاتێن مەترسیەكا مەزن لسەر ژنان پەیدا دبیت، و ڕێژەیەكا زۆر یا بازرگانیكرنێ ب كچ و ژنان دهێتە دهێتە كرن
نیتیش كۆمار جوتیارەكێ گوندێ هاریانا یە دبێژیت: ئێك تەرەكترا ژنان بینە ڤی گوندی، دماوێ دەمژمێرەكێدا دێ هەموو شووكەن، ژبەركو تەمەنێ پڕانیا زەلامێن گوندی ژ 30 ساڵیێ دەرباز دبیت و ژن بدەست ناكەڤن
زەلامێن گوندێ هاریانا هەبوونا كچان ب شەرمزاری دزانن، و زێدەباری وێ چەندێ دبێژن، بارێ كچان گرانترە و دەمێ شوو دكەن، پێدڤییە مال بابا وان پارا بدەنێ و هەموو تشتەكی بو دابین بكەت
ل گورەی داتایان ل هندستانێ ژن ب ڕێژا 56% تووشی توندوتیژیێ دبن، و 16% تووشی توندوتیژیا فیزیكی دبن، و 25% تووشی توندوتیژیا سكسی دبن و 52% تووشی توندوتیژیا سایكۆلۆژی دبن
