رێڤەبەرێ سندۆقا رزگاركرنا دەڤەرا یۆرۆ دبێژیت: ئەورۆپا پێدڤی ب 500 ملیار یۆرۆیایه بۆ رابوونا خۆیا ئابووری و ژێبرنا شوینوارێن ڤایرۆسێ كۆرۆنا ل پشت خۆ هێلاین.
كلاوس ریگلینگ رێڤەبەرێ سندۆقا رزگاركرنا دەڤەرا یۆرۆ بۆ رۆژنامەیا (كۆریری دیلا سیرا) ئیتالی راگەهاند: پێدڤییە سازیێن ئەورۆپا 500 ملیار یۆرۆیان یان زێدەتر پێَشكێش بكەن بۆ رابوونا كەرتێ ئابووری ل ئەورۆپا و دبیت ژی پێدڤی گوژمەكێ زێدەتر بیت.
هەروەكی دهێتە زانین، رۆژا نەهی ڤێ هەیڤێ وەزیرێن دارایی یێن دەولەتێن ئێكەتییا ئەورۆپا رازی ببوون كو 540 ملیار یۆرۆیانه بۆ كەرتێ ئابووری كۆم بكەن.
بڕیارە رۆژا 23 ی ڤێ هەیڤێ ژی كۆمبوونەكا دی بهێتە گرێدان بۆ بەحسكرنا پێشئێخستنا كەرتێ ئابووری ل ئەورۆپان پشتی زیانێن ئابووری یێن مەزن یێن ڤایرۆسێ كۆرۆنا گەهاندینە وەلاتێن ئەورۆپا.
