نێرین

رەوشەنبیریا خۆپاراستنێ دجڤاکامەدا


ئەحمەد بالایی
دەما کەسێن بسپۆر و ژیر و زانایێن جیهانێ بەرنامێ ژیانێ بشێوەک زانستی و ئەکادیمی دانایی بو ساخلەمی و پاراستنا مرۆڤان بوویە دا دژیانێدا دپاک و پاراستی بن، وان شەڤ و رۆژ ل سەر سێ تەوەران پارڤەکرنە، دا مرۆڤ ژیانەک تەنا و ئارام دەربازکەن، لەوما وان هەشت دەمژمێر بو کاری تەڕخانکرنە، هەشەت دمژمێر بو خەوێ هەشەت دەمژمێر بو بێهڤەدانێ، لێ وەک مرۆڤ هەست پێ دکەت ئیرۆ سیستەمێ ژیانێ بدرستی لنک پڕانیا کوردان تێکچویە، چ ل کوردستانێ چ ل ئورۆپا، چ پێگیریێ بوان رێنما و پرەنسیێن زانستی و جیهانی ناکەن، نە تشتەکی ژ رەوشەنبیریا خارن و ڤەخارنان دزانن،نە ژخۆپاراستنا ئێش و ئازاران، نە ژ دەمێن خەو و رازانان، نەژی ژکارێ سکسی و رۆمانسیەتێ، لەوما ژیان بوویە تەڤنەک ئالۆز د دەستێن واندا وگەلەک کارەساتێن جڤاکی و ئابووری لشوون خوە دهێلن.
دیسان بەرنامێ خارنێ ژی بشێوەک زانستی دارێتیە کو د دەمێن دیارکریدا بخۆن، بومیناک خارنا سوبێ تێشت، خارنا نیڤ رۆژێ ڤراڤین، خارنا ئێڤارێ شویڤ. ئەو خالێن لاواز و زیان بەخش من د حەفت خالاادا خویاکرنە.
۱ـ پڕاێا خەلکێ مە لجهێ سێ دانێن خارنێ دێ ئێک دانی خون هەیا خوە پێ بادەن و دێ بنە کوما ئێش و ئازاران.
۲ـ ب شەڤ هەیا سوبێ دهشیارن نارازێن خەرێکێن کارێ ئنترنێت، قومارێ، نارگیلێ و… ).ب رۆژ دنڤستینە هایا وان ژ کار و خەباتێ نینە.
۳ـ ئەم خۆدان جڤاکەک بەرخوەر و تەمبەلین، نە خوەدی جڤاکەک کەدکار و بەرهەمنێرین،خەلکێ مە ژخوناگریت کاربکەن دێ خەلکێ ژ ولاتێن بیانی ئینن دا خزمەتا وان بکەن.
٤ـ ڤەخارنامادێ الکهول مەشروباتی وئاهێن بێ هۆش، بێ سیستەم و پرەنسیب ڤەدخون هەیا پێ هار و دین دبن، رەفتارێن وان دبنە سەدەما تێکدانا سایکولۆژیا وان و خێرانێن وان و ژێک دهێنە جوداکرن، زارۆک دێ ببنە قوربانیێن کار و رەفتارێن وان.
٥ـ نیڤاشەڤێ خارنێن گران مینا برنج و ساڤار و دیکل و مریشکان دخۆن. پاشی دێ حەبێن ڤیەگرا خون بو تێرکرنا حەزێن خوە یێن جنسی بێی کو بزانن کا وان حەبان چاوان وکەنگی بکاردئینن، لەوماهەرتم تۆشی ئارێشێن مالباتی و جڤاکی و تەندرۆستی دبن، ئەو کارێن وان دبنە سەدەما جەلتا دلی، جەلتا دەماغی، شەلەلێ، ژن بەردانێ و خۆکوشتنێ و…) لێ داویێ زارۆکێن وان دبنە قوربانیێ هەلە و شاشیێن وان.
٦ـ دکریارێن سکسیدا مینا گیانەوەران رەفتارێ دکەن، د ماوێ چەند خۆلەکێن کێمدا دێ زک و بن زکێن خۆە تێرکەن بێی رازیبوونا هەڤژینا وان کا یا رازیە یان نە. هەلبەت لگور راپورت و راچێتێن نوژدارێن جیهانێ، خارناگران لگەل مادێ الکهول، لگەل بکارئینانا حەبێن ڤیەگرا لدژی ئێکن نابیت مرۆڤ هەر سێ مادا تێکەل کەت و بکاربینیت.
۷ـ خەلکێ مە چ پێگیریێ ب بەرنامە و رێنمایێن زانا و نوژداران ناکەن کو خوە ژوان مەترسیان ب پارێزن.
چارەسەری چیە؟
۱ـ دڤێت مرۆڤ رۆژانە ئەگەر بو چەند خۆلەکا و دەمژمێران بیت وەرزشێ بکەن، بزاڤێ بکەن ب پیا و پایسگلان بهێن وبچن، مەلەڤانیان بکەن، دانێن خوەیێن خارنێ دجهێ واندا بخون، دەمژمێرێن خەوێ دگۆنجایی بن، یێ حەز ژ ڤەخارنا مەشرۆبی بکەت دڤێت بشێوەک زانستی وسەرخوە ڤەخون، ئارێشابومال وخێزانا خوە چێنەکەن. خوە ژکارێ حەبێن ڤیەگرا ب دەنەپاش یان ژی پێش هوون بکار بینن راچێتا وێ بخوینن و پێگیریێ ب رێنمایێ وان بکەن، دا خوە ژنەخۆشی وجەلتا دلی ودەماغی و مرنێ ب پارێزن.
کا هوون ڤی بابەتی چاوان دبینن. دێ پرس و بەرسڤ لنک من وەبیت.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close