كوردستانینووچه‌

ساخلەمیا دھۆکێ: ھەیا نھا مەترسیا بەلاڤبوونا کۆرۆنایێ ھەیە

رێڤەبەرێ گشتی یێ ساخلەمیا پارێزگەھا دھۆکێ راگەھاند، “نەخۆشی ب تمامی سنۆردار نەبوویە و ھێشتا مەترسیا بەلاڤبوونا وێ ھەیە”.

د. نزار عسمەت، رێڤەبەرێ گشتی یێ ساخلەمیا پارێزگەھا دھۆکێ دەربارەی بابەتێ گێرانا ئاھەنگا سەرکەفتنێ ل وێ پارێزگەھێ راگەھاند، “نەخۆشی ب تمامی سنۆردار نەبوویە و ھێشتا مەترسیا بەلاڤبوونا وێ ھەیە و نێزیکی ٨۷۰ کەس د کەرەنتینکرنێ دانە و پرۆسا کەرەنتینکرنێ یا بەردەوامە ژ بەر ھاتنا خەلکی ژ دەرڤەی وەلاتی.

ئەو یەک ژی دایە زانین، کو ھەیا ۱٤ رۆژێن وان دەرباز نەبن و پشکنینێن وان نێگەتیڤ دەرنەچن،‌ رامانا وێ چەندێ نادەت نەخۆشی بنبڕ بوویە. 

ھەروەسا گۆت ژی،” مە سنۆرەکێ بەرفرەھـ دگەل پارێزگەھێن دی یێن عیراقێ ھەیە و رۆژانە خەلکەک یێ دھێت و مەترسیا بەربلاڤبوونا ڤایرۆسێ کۆرۆنایێ ھەیە، و ھەروەسا بەردەوام کارێ بازرگانیێ دناڤبەرا مە و تورکیا دا ھەیە و نەخۆشیا کۆرۆنا ل تورکیا ھەیە وبەرەڤ زێدەبوونێ یە وئەڤ بزاڤا بازرگانیێ مەترسیا وێ چەندێ ددەت نەخۆشی بەلاڤ ببیت.

د.نزار عسمەت ئەو یەک دیارکر ژی ، “دا کو ئەم پشتراست ببین نەخۆشی نەمایە، پێدڤیە ب کێماتی ل سەر دووماھی حالەت ۱٤ رۆژ دەربازببن و چ حالەتێن نوو ل ھەرێمێ وعیراقێ پەیدانەبن و ژمارا پشکنینێن پێدڤی ھاتبیتە کرن، ئەو نموونەیێن دناڤ جڤاکی دا دھێنە وەرگرتن دەربرینێ ژ ھەموو جڤاکی بکەن و ھەموو ژی نێگەتیڤ بن ل وی دەمی مرۆڤ دشێت بێژیت نەخۆشی سنۆرداربوویە یان مەترسیا بەلاڤبوونا وێ ب شێوەیەکێ مەزن نەمایە.

ئاماژە کر ژی،” ئەم داخوازێ ژ وەلاتیان دکەین پێگیربن وھەموو رێنمایێن ساخلەمیێ بجھـ بینن، خۆ ب پارێزن و خۆ ژێک دوور بکەن و کۆمڤەنەبن وبێ دەمامک ژ مال نە دەرکەڤن  و دەمێ کەسەک ژ مال ژی دەربچیت و دزڤریتە مال ڤە دەستێن خۆ باش بشووت و ھەول بدەن خۆ ژ کەسێن نەخۆش دوور بکەن داکو نەخۆشی بەلاڤ نەبیت.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close